စွယ်​တော်ကုန်းစခန်းသိမ်းအောင်ပွဲရ ဗိုလ်ဒါဘောဦးဆောင်တဲ့ရဲဘော်တွေ လှည့်လည်အောင်ပွဲခံ

ကရင်ပြည်နယ်၊ မြဝတီမြို့နယ် ၊ လေးကေ့ကော်မြို့သစ်အနီးက စစ်ကောင်စီတပ်ရဲ့ စွယ်တော်ကုန်း အမြှောက်တပ်စခန်းကို KNLA နဲ့ ကော်ဘရာစစ်ကြောင်း၊ PDF ပူး​ပေါင်းတပ်​တွေက သိမ်းပိုက်ပြီးတဲ့​နောက်​ ဗိုလ်ဒါဘောဦးဆောင်တဲ့ ရဲဘော်တွေဟာ လေးကေ့ကော် ဒေသတွင်းက ကျေးရွာတွေမှာ လှည့်လည်အောင်ပွဲခံခဲ့ကြပါတယ်။

အောင်ပွဲရတပ်ဖွဲ့ဝင်​တွေကို ဒေသခံပြည်သူ​တွေကလည်း အောင်သ​ပြေပန်း​တွေနဲ့ ကြိုဆိုခဲ့ကြပါတယ်။

“Cobraဆို သမိုင်းမှာရှိနေပြီးသားပါ ရှေ့သို့ချီတက်ကြမယ်”လို့ ကော်ဘရာစစ်ကြောင်း တပ်ခွဲ(၃)က အသိပေးထားပါတယ်။ လှည့်လည် အောင်ပွဲခံရာမှာ ကော်ဘရာစစ်ကြောင်းက ဗိုလ်ဒါဘောနဲ့ ဗိုလ်စောကော်တို့လည်း ပါဝင်တာ တွေ့ရပါတယ်။

​ဒေသတွင်းစစ်​ရေးအရ အဓိကကြတဲ့ စွယ်​တော်ကုန်းစခန်းကိုKNU/KNLA/KNDO ပူးပေါင်းအဖွဲ့များ ၊ Cobra စစ်ကြောင်း ၊Venom စစ်ကြောင်း၊Justice Soldier PDF ၊ ရောင်နီဒရုန်းတပ်ဖွဲ့ ၊ Golden Eagle ဒရုန်းတပ်ဖွဲ့၊ Justice Soldier ဒရုန်းတပ်ဖွဲ့ တို့နဲ့အတူ Federal Wings ရဲ့ Cobra Federal Wings နဲ့ KNDO Federal Wings တို့ ပူးပေါင်းပါဝင်ဆင်နွဲခဲ့ကြတယ်လို့Federal Wings ဖော်ပြထားပါတယ် ။

Public Service Announcement

စွယ်တော်ကုန်းစခန်းသိမ်း တိုက်ပွဲမှ ၁၂၀ မမ လက်နက်ကြီး ၂လက်နဲ့ ပွိုင့်ဖိုက် စက်သေနတ် အပါအဝင် လက်နက်များစွာ နဲ့ စစ်သုံ့ပန်း​တွေရရှိခဲ့တယ်လို့ KNUကလည်း ထုတ်ပြန်ပါတယ်။

အဲဒီစခန်းဟာ ထိုင်း-မြန်မာနယ်စပ်မှာတည်ရှိ​တော့ နယ်မြေစိုးမိုးရေးနဲ့ နယ်စပ်လုံခြုံရေးအတွက် ရည်ရွယ်တည်ဆောက်ထားတဲ့ တပ်စခန်းတစ်ခုဖြစ်သလို လေကေ့ကော် မြို့သစ်သို့ ကျူးကျော် တိုက်ခိုက်ခဲ့တဲ့ အချိန်ကစပြီး မြဝတီနဲ့ ဖလူးဒေသတစ်လျှောက် လက်နက်ကြီး​တွေနဲ့ပစ်ခတ်ပြီး​တော့ ပြည်သူလူထုအား အမြဲတစေ လူ့အခွင့်အရေးချိုးဖောက်​မှု​တွေ ကျူးလွန်နေတဲ့စခန်းလို့သိရပါတယ်။

ဒီစခန်းမှာ ၂၀၀၃ ခုနှစ်ကစပြီး ထိုင်း−မြန်မာ နယ်စပ်တပ်စခန်း အဖြစ် စတင်တပ်စွဲခဲ့ပြီး​တော့ အရှေ့တောင်တိုင်းစစ်ဌာနချုပ် (ရတခ) လက်အောက်ခံတပ်​တွေက တာဝန်ယူတပ်စွဲခဲ့ပါတယ်။စစ်တပ် အာဏာသိမ်းပြီးနောက် ၂၀၂၁ ခုနှစ် ကစပြီး​တော့ တပ်မ (၂၂) ၊ တပ်မ (၄၄) နဲ့ ကမ်းရိုးတမ်းတပ်​တွေပါ လာရောက်တပ်ခဲ့တယ်လို့ KNU ကထုတ်ပြန်ထားပါတယ် ။