ဇေအောင်/People’s Spring
စစ်ကိုင်းတိုင်း၊ ဘုတလင်မြို့နယ်တွင် စစ်ရှောင် ပြည်သူ ငါးဦး မြွေကိုက်ခံရပြီး နှစ်ဦးသေဆုံးခဲ့ကြောင်း သတင်းရရှိသည်။
ပြီးခဲ့သည့် အောက်တိုဘာနှင့် နိုဝင်ဘာအတွင်း ဘုတလင်မြို့နယ်ရှိ စစ်ရှောင်ပြည်သူ ငါးဦး မြွေကိုက်ခံခဲ့ရပြီး အချန်မီဆေးကုသမှုပေးခဲ့သော်လည်း နှစ်ဦးသေဆုံးခဲ့ကြောင်း S&C မီးဘေးစစ်ဘေးပညာရေး ထောက်ပံ့ကူညီရေးအဖွဲ့မှ ကိုစိုးမိုးအောင်က ပြောသည်။
“သီးနှံသိမ်းချိန်လည်း ရောက်တော့မှာဆိုတော့ ပိုးထိလူနာက ထပ်ပြီးများလာနိုင်တယ်။ အခုလည်း ဘုတလင်မှာ ပိုးထိလူနာတွေများနေတယ်။”ဟု ကိုစိုးမိုးအောင်က ပြောသည်။
Public Service Announcement
စက်တင်ဘာ ၃ဝ ရက်က ဘုတလင်မြို့နယ် အတွင်း စစ်ကောင်စီစစ်ကြောင်းတစ်ခုလုံးတိုက်ခိုက်ခံရပြီးနောက် အနောက်မြောက်တိုင်းစစ်ဌာနချုပ်(နမခ) မှလာသည့် စစ်ကောင်စီတပ် စစ်ကြောင်းသည် ကျေးရွာများအားအောက်တိုဘာ ၁၁ရက်ကစပြီး စတင်စစ်ကြောင်းထိုးမီးရှို့ခဲ့ခြင်းဖြစ်သည်။
စစ်ကြောင်းအန္တရာယ်ကြောင့် ကျေးရွာပေါင်း ၃၀ ကျော်မှ ဒေသခံပြည်သူနှစ်သောင်းဝန်းကျင် ထွက်ပြေးတိမ်းရှောင်နေရသည်။ အမျိုးသမီးများအပါအဝင် ပြည်သူ ၄၀ ကျော် ဖမ်းဆီးခံထားရသည်။
ထို့အပြင် ဒေသခံပြည်သူ ၂၆ ဦးသတ်ဖြတ် ခံထားရပြီး ကျေးရွာ ၈ ရွာမှ နေအိမ် ၅၀၀ကျော် မီးရှို့ဖျက်ဆီးခံထားရသည်။
