ဇေအောင်/People’s Spring
စစ်ကိုင်းမြို့နယ်၊ ပဒူရွာရဲကင်းစခန်း ရှော့တိုက်ဒုန်းဖြင့် ပစ်ခတ်တိုက်ခိုက်ခံရပြီး ရဲတစ်ဦးသေဆုံးခဲ့ကြောင်း ဒေသခံများက ပြောသည်။
ဒီဇင်ဘာ ၁၆ ရက် ည ၁၂နာရီဝန်းကျင်က စစ်ကိုင်းမြို့နယ်မြောက်ခြမ်းရှိ ပဒူကျေးရွာရဲကင်းစခန်းအား ရှော့တိုက်ဒုန်း ၄လုံး ပစ်ခတ်တိုက်ခိုက်ခံရပြီး ဘန်ကာအတွင်းရှိ ရဲတပ်သားတစ်ဦး သေဆုံးခဲ့ကြောင်း ဒေသခံများက ပြောသည်။
“တစ်လုံးက မြေကွက်လပ်ကျတယ်။ နောက်၃လုံးက ဘန်ကာနားကျတယ်ပြောတယ်။ ဘန်ကာထဲက ရဲတစ်ဦးသေတယ်။”ဟု ဒေသခံတစ်ဦးက ပြောသည်။
Public Service Announcement
ပဒူရဲစခန်းအား မည်သည့်အဖွဲ့က ပစ်ခတ်ခဲ့သည်ကိုမူ မသိရသေးပေ။ ထိုပစ်ခတ်မှုအား အနီးတဝိုက်ရွာများမှ ကြားလိုက်ရကြောင်း ဒေသခံများက ပြောသည်။
“ည ၁၂လောက်ကြီး ကြားလိုက်ရတယ်။ ၂ ချက်ကတော့တော်တော်ကျယ်တယ်။”ဟု ကံကြီးကုန်းရွာနေဒေသခံတစ်ဦးက ပြောသည်။
ပဒူရွာရဲကင်းစခန်းမှစစ်အုပ်စုသည် ပြီးခဲ့သည့် နိုဝင်ဘာလအတွင်းကလည်း အနီးတဝိုက်ကျေးရွာများအား စစ်ကြောင်းထိုး မီးရှိုခဲ့သေးသည်။
အာဏာသိမ်းစစ်ကောင်စီတပ်သည် ပဒူရွာရဲကင်းစခန်း၏ အရှေ့ဘက်ရှိ မိုးကုတ်၊ သပိတ်ကျင်း၊ စဥ့်ကူး၊ မတ္တရာမြို့များမှ စစ်ရှောင်များအသုံးပြုနေသော စစ်ကိုင်းမြို့၊ ခရိုင်ချင်းဆက်လမ်းရှိ လမ်းခွဲ၂ခုကိုလည်း ဘက်ဟိုးဖြင့် ဖျက်ဆီးထားသည်။
