Scorpio/People’s Spring
စစ်ကိုင်းတိုင်း၊ ကနီမြို့နယ်မှာ စစ်ကောင်စီတပ်က ဝေဟင်ကနေ Paramotor စက်တပ်လေထီးနှစ်စီးနဲ့ ဗုံးကြဲတိုက်ခိုက်လို့ ပြည်သူတစ်ဦးသေဆုံးခဲ့ကြောင်း ဒေသခံများက ပြောပါတယ်။
ဒီကနေ့(ဖေဖော်ဝါရီ ၇ ရက်) မနက် ၁ နာရီခန့်က ကနီမြို့နယ်၊ ဆူးလေကုန်းရွာကို စစ်ကောင်စီတပ်က အနောက်မြောက်တိုင်းစစ်ဌာနချုပ်(နမခ)ကနေ တက်လာတဲ့ Paramotor စက်တပ်လေထီးနှစ်စီးနဲ့ ဗုံးကြဲတိုက်ခိုက်ခဲ့ပါတယ်။ ဗုံးသီးတစ်လုံးက ဘုန်းကြီးကျောင်းထဲကျပြီး ကျောင်းအဆောက်အအုံပျက်စီးကာ ကားတစ်စီးပျက်စီးခဲ့ကြောင်း၊ နောက်တစ်လုံးကတော့ ရွာထဲကျပြီး အမျိုးသားတစ်ဦးသေဆုံးကာ တစ်ဦးထိခိုက်ဒဏ်ရာ ရရှိခဲ့ကြောင်း ဒေသခံများက ပြောပါတယ်။
စစ်ကောင်စီ၏ ဗုံးကြဲတိုက်ခိုက်မှုကြောင့် ပျက်စီးသွားသော အဆောက်အအုံနှင့်ကားအား တွေ့ရစဥ်။ဓာတ်ပုံ-CJ 
စစ်ကောင်စီ၏ ဗုံးကြဲတိုက်ခိုက်မှုကြောင့် ပျက်စီးသွားသော အဆောက်အအုံနှင့်ကားအား တွေ့ရစဥ်။ဓာတ်ပုံ-CJ 
စစ်ကောင်စီ၏ ဗုံးကြဲတိုက်ခိုက်မှုကြောင့် ပျက်စီးသွားသော အဆောက်အအုံနှင့်ကားအား တွေ့ရစဥ်။ဓာတ်ပုံ-CJ 
စစ်ကောင်စီ၏ ဗုံးကြဲတိုက်ခိုက်မှုကြောင့် ပျက်စီးသွားသော အဆောက်အအုံနှင့်ကားအား တွေ့ရစဥ်။ဓာတ်ပုံ-CJ
“စက်တပ်လေထီးနဲ့က အရင်က မကြဲဖူးဘူးဗျ။ စက်တပ်လေထီးက ဖြစ်နိုင်တယ်ဗျ။ မမြင်ရပေမယ့် ကျွန်တော်ကိုယ်တိုင်အသံကြားရတာ။”လို့ ကနီမြို့နယ်ပြည်သူ့ကာကွယ်ရေးအဖွဲ့က တာဝန်ရှိသူတစ်ဦးက ပြောပါတယ်။
Public Service Announcement
ကနီမြို့နယ်မှာ ပြီးခဲ့တဲ့ ဖေဖော်ဝါရီ ၂ ရက်ကလည်း စစ်ကောင်စီတပ်က ထောက်ကြံ့ကုန်းရွာအနီးကို ဗုံးသီးချတိုက်ခိုက်လို့ ပြည်သူ (၄)ဦး သေဆုံးပြီး (၇)ဦး ဒဏ်ရာရရှိခဲ့ပါသေးတယ်။
ကနီမြို့နယ်ဟာ စစ်ကောင်စီရဲ့ တိုင်းစစ်ဌာနချုပ်နဲ့သိပ်မဝေးလို့ ယခုလို ဖြစ်စဉ်မျိုးမကြာခဏကြုံတွေ့နိုင်တာကြောင့် ပြည်သူများအနေဖြင့် လေကြောင်း(လေယာဉ်)သတင်း၊စက်တပ်လေထီး(para motor)သတင်းများကိုအထူးအလေးထားကြဖို့နဲ့ နေအိမ်များမှာ ဗုံးခိုကျင်းများ(မဖြစ်မနေ)တူးကြဖို့ ကနီမြို့နယ်ပြည်သူ့ကာကွယ်ရေးအဖွဲ့က သတိပေးထားပါတယ်။
(စစ်ကောင်စီ၏ ဗုံးကြဲတိုက်ခိုက်မှုကြောင့် ပျက်စီးသွားသော အဆောက်အအုံနှင့်ကားအား တွေ့ရစဥ်။ဓာတ်ပုံ-CJ)
