ဧပြီ ၆၊၂၀၂၅။ဟန်နွေ/People’s Spring
ပြည်သူများစစ်အာဏာရှင်စနစ်ကိုရွံရှာမုန်းတီးနေသည်မှာထင်ရှားပေါ်လွင်နေကြောင်း ကရင်အမျိုးသားအစည်းအရုံး(KNU) တောင်ငူခရိုင်တပ်မဟာ(၂)တပ်မဟာမှူးဗိုလ်မှူးချုပ် စောဩဂုတ်စတီး က ပြောသည်။
တပ်မဟာ(၂)နယ်မြေရှိ စစ်ကောင်စီတပ်များအား တိုက်ခိုက်ရာတွင် အသုံးပြုရန် ရည်ရွယ်လုပ်ဆောင်သည့်စစ်တောင်းကမ်ပိန်း ရန်ပုံငွေရှာဖွေမှုတွင် သတ်မှတ်ထားသည့်ဘတ်သုံးသန်းထက် ကျော်လွန်ကာ ဘတ် ၃သန်း ၆သိန်းထိ ရရှိခဲ့မှုနှင့်ပတ်သက်ပြီး ကျေးဇူးတင်စကားပြောကြားရာ တပ်မဟာမှူးက ယခုကဲ့သို့ ပြောဆိုခဲ့သည်။
“ ကျနော်တို့မျှော်မှန်းထားတာထက် ပိုပြီးတော့ရရှိတယ်ဆိုတာတွေ့ ရှိရပါတယ်။ ဒီအာဏာရှင်စနစ်ကို ပြည်သူတွေကနေပြီးတော့ ဘယ်လောက် ရွံရှာမုန်းတီးသလဲဆိုတာ ဒီမှာကြည့်လိုက်ရင်ပေါ်လွန်ပါတယ်” ဟု တပ်မဟာမှူး ဗိုလ်မှူးချုပ် စောသြဂုတ်စတီးက ပြောသည်။
Public Service Announcement
အာဏာရှင်ဆန့်ကျင်သည့် ပြည်သူများသည် တော်လှန်ရေးအဖွဲ့အစည်း မည်သည့်အဖွဲ့က
အကူအညီတောင်းတောင်း ပြည်သူဘက်ကတော့အတတ်နိုင်ဆုံးကူညီကြ၍ ပြည်သူအားလုံးကိုများစွာကျေးဇူးတင်ဟု ၎င်းက ပြောသည်။
စစ်တောင်းကမ်ပိန်း အထမြောက်အောင်မြင်အောင်ကူညီကြသူအားလုံးကိုလည် ကျေးဇူးတင်ကြောင်း တပ်မဟာမှူးက ပြောသည်။
“ တနိုင်ငံလုံးနီးပါး လက်နက်ကိုင်တော်လှန်နေတဲ့ခုခေတ်ကာလမှာ လူမျိုးတိုင်းလိုလို လက်နက်ကိုင်အဖွဲ့အစည်းတိုင်းလိုလို ပါဝင်တော်လှန်နေတဲ့ဒီခေတ်ကာလမှာ ဒီတော်လှန်ရေးဟာ မုချ
အောင်မြင်မယ်လို့တော့ ကျနော်ယုံကြည်ပါတယ်” ဟုလည်း တပ်မဟာမှူးက ပြောသည်။
အားလုံးစည်းစည်းလုံးလုံးတက်ညီလက်ညီလုပ်ဆောင်ပါက အာဏာရှင်စနစ်ကျရှုံးရေး ၊ ဖက်ဒရယ်ဒီမိုကရေစီတည်ဆောက်ရေးအမှန်တကယ်ရရှိမည်ဟုလည်း ၎င်းက ပြောသည်။
