မြန်မာစစ်ရှောင် ၅၁၀ ကို ထိုင်းက ပြန်လည်ပို့ဆောင်ပေး

​မေ-၁၇၊၂၀၂၅။People’s Spring

တိုက်ပွဲ​တွေ​ကြောင့်ထိုင်းနိုင်ငံဘက်ကို ထွက်​ပြေးတိမ်း​ရှောင် ​နေရတဲ့မြန်မာစစ်​ဘေး​ရှောင် ၅၁၀ ကို နယ်စပ်မှာတိုက်ပွဲ​တွေ ငြိမ်သက်သွားပြီးမို့ ထိုင်းလုံခြုံ​ရေးတပ်ဖွဲ့ဝင်​တွေက ​မေလ ၁၇ ရက်​နေ့မှာနေရပ်ပြန်နိုင်အောင် စီစဉ်ပေးခဲ့ပါတယ်။

တက်ခ်ပြည်နယ်၊ သာဆောင်ယန်းခရိုင်ထဲက မယ်အုတ်ဖာရူ နဲ့ မယ်လ နယ်ခြားဂိတ်တွေကနေတဆင့် မြန်မာ စစ်ရှောင်တွေကို ပြန်လည် ပို့ဆောင်ပေးခဲ့ကြောင်း ထိုင်းအရာရှိတွေက ပြောပါတယ်။

ထိုင်းနယ်စပ်ရဲ့ တစ်ဖက်ခြမ်း မြန်မာဖက်မှာ KNLA နဲ့ပူး​ပေါင်းတပ်​တွေရဲ့ စစ်တပ်စခန်းသိမ်း တိုက်ပွဲတွေဟာ စစ်စခန်းအများစုကိုသိမ်းပိုက်ပြီးသွားတဲ့​နောက် အရှိန်လျော့သွားတဲ့အတွက်မြန်မာ စစ်ရှောင်တွေကို ပြန်ပို့ခဲ့တာလို့ သိပါတယ်။

Public Service Announcement

ထိုင်းသတင်းဌာန Khaosodကတော့ ထိုင်းလုံခြုံ​ရေးတပ်ဖွဲ့ဝင်​တွေက စစ်​ဘေး​ရှောင်​တွေရဲ့အထုပ်​တွေကို ကူညီသယ်​ဆောင်​ပေးပြီး ​သောင်းရင်းမြစ်ဆိပ်ကို ​လိုက်ပို့​ပေးကြပါတယ်။စစ်​ရှောင်ပြည်သူ​တွေ နဲ့ ထိုင်းလုံခြုံ​ရေးတပ်ဖွဲ့​တွေ အပြန်အလှန် ရင်းရင်းနှီးနှီး နှုတ်ဆက်ကြတာကို ရုပ်သံမှတ်တမ်း နဲ့ သတင်းဓါတ်ပုံ​တွေမှာ​တွေ့ရပါတယ်။

အဲဒီလို ပြန်ပို့ခဲ့တဲ့နောက်ပိုင်း လောလောဆယ်တက်ခ်ခရိုင်ထဲမှာ မြန်မာစစ်ရှောင်တွေ မရှိတော့ဘူးလို့လည်း Khaosodက ဖော်ပြထားခဲ့ပါတယ်။