သြဂုတ်-၅၊ ၂၀၂၅။ ကျော်ဇော/People’s Spring
ပုလောမြို့နယ်နဲ့ တနင်္သာရီမြို့နယ်တွေကို စစ်ကောင်စီတပ်စစ်ကြောင်းတွေဝင်ရောက်လာခြင်းကြောင့်အဲဒီမြို့နယ်တွေရဲ့နေရာအနှံ့မှာ တော်လှန် ရေးတပ်ဖွဲ့တွေနဲ့ စစ်ကောင်စီတပ်တွေကြား တိုက်ပွဲတွေဖြစ်ပွားနေတယ်လို့ တနင်္သာရီတိုင်းစစ်ဌာနက သြဂုတ် ၄ရက်ရက်စွဲနဲ့ အသိပေးထုတ်ပြန်ပါတယ်။
စစ်ကောင်စီတပ်တွေစစ်ကြောင်းထိုးရာမှာပုလောမြို့နယ်မှာဆိုရင် တိုက်ပွဲဖြစ်ပွားခြင်းမရှိတဲ့နရာ၌ စစ်ဘေးရှောင်နေတဲ့ ခရီးသွားပြည်သူ ၁၀ ဦးဟာ စစ်ကောင်စီရဲ့လက်နက်ကြီးပစ်ခတ်မှုကြောင့် သေဆုံးခဲ့ရတယ်လို့ ဖော်ပြပါတယ်။
ဒါ့အပြင်တနင်္သာရီမြို့နယ်မှာဆိုရင်လည်း စစ်ကောင်စီတပ်တွ စစ်ကြောင်းထိုးလာတဲ့လမ်းကြောင်းတလျှောက်မှကျေးရွာတွေကပြည်သူ ၁၀ဦးကို အဓမ္မစစ်မှုထမ်းစေခိုင်းရန် ဖမ်းဆီးခဲ့ကြောင်းသိရတယ်လို့ ထုတ်ပြန်ချက်က ဆိုပါတယ်။
Public Service Announcement
“လောလောဆယ် ပလမှာ ခုတိုက်ပွဲဖြစ်နေတယ်။ လမ်း ဆက်ပိတ်ထားတုန်းပါ။ အခြေနေဆိုးနေတယ်။ (လမ်းဖွင့်ရန်)ကြာမယ် ထင်တယ်”လို့ ပုလောမြို့နယ်တွင်း စစ်ရေးအခြေအ နေကို ဒေသတော်လှန်ရေးသတင်းရင်းမြစ်တစ်ဦးက People’s Spring ကို ပြောပါတယ်။
မြိတ်-ပုလောလမ်း အမှတ် (၈)ပြည်ထောင်စုလမ်းပေါ်မှာတည်ရှိတဲ့ ပုလောနဲ့ ပလကြားဝန်းကျင်အတွင်းမှာ စစ်ကောင်စီတပ်စစ်ကြောင်းထိုးတာ၊ ထိတွေ့တိုက်ပွဲတွေဖြစ်တာ ပိုဆိုးလာနေပြီး စစ်တပ်ဘက်ကရေကြောင်းအသုံးပြီး အင်အားတွေထပ်တိုးလာနေတယ်လို့ အဲဒီသတင်းရင်းမြစ်က ဆက်ပြောပါတယ်။
တနင်္သာရီတိုင်းစစ်ဌာန ထုတ်ပြန်ချက်မှာလည်းစစ်ကောင်စီတပ်တွေဝင်ရောက်ခဲ့တဲ့ ဒေသတွေမှာ ပြည်သူများအားဖမ်းဆီးခြင်း၊ အဓမ္မစေခိုင်းခြင်း၊ နှိပ်စက်ခြင်း၊ သတ်ဖြတ်ခြင်း၊ ကျေးရွာများအတွင်း ပြည်သူ လူထုရဲ့ပစ္စည်းဥစ္စာများခိုးယူ/သိမ်းယူခြင်းတွေ လုပ် ဆောင်တဲ့အပြင် နေအိမ်တွေကို မီးရှို့ဖျက်ဆီးခြင်းတွေလည်း လုပ်ဆောင်နေတယ်လို့ ဖော်ပြပါတယ်။
တနင်္သာရီတိုင်းစစ်ဌာနကွပ်ကဲမှုအောက်ရှိ ပြည်သူ့ကာကွယ်ရေး တပ်ရင်း/တပ်ဖွဲ့၊ စစ်ကြောင်းများအနေဖြင့် စစ်ကောင်စီ ဝင် ရောက်တပ်စွဲတဲ့နေရာတွေကို အချိန်မရွေးတိုက်ခိုက်သွားမှာဖြစ်ပြီး မြိတ်-ပုလောအမှတ် (၈)ပြည်ထောင်စုလမ်းမကြီးနဲ့ မြိတ်-ဘုတ်ပြင်းလမ်းမကြီးတွေကို ယာယီပိတ်ထားမယ်လို့ သိရပါတယ်။
ဒါကြောင့် အဲဒီလမ်းပိုင်းတွေ တလျှောက်နဲ့ဆက်စပ်နေရာတွေရှိ စစ်ကောင်စီတပ်စွဲထားတဲ့နေရာတွေက ခရီးသွားပြည်သူတွေနဲ့ ဒေသခံကျေးရွာနေပြည်သူတွေအနေနဲ့ ကြိုတင်ရွှေ့ပြောင်းထားကြဖို့ တနသ်ာရီတိုင်းစစ်ဌာနက အသိပေးထုတ်ပြန်ထားပါတယ်။
