ဩဂုတ်−၂၃၊၂၀၂၅။ဇော်ရမ်း/People’s Spring
စစ်ကောင်စီထိန်းချုပ်ထားသည့် လားရှိူးမြို့လယ်တွင် ဆိုင်ကယ်စီး အမျိုးသားနှစ်ဦးက သေနတ်ဖြင့် ပစ်ဖောက်ခြိမ်းခြောက်ပြီး ကားလုယက်မှုယနေ့(သြဂုတ် ၂၃ရက်) နေ့လယ်ပိုင်း၌ ဖြစ်ပွားခဲ့သည်။
လားရှိုးမြို့၊ ရပ်ကွက်(၅)တွင် အမျိုးသမီးတစ်ဦး မောင်းနှင်လာသည့် အိမ်စီးကားမှာလမ်းဘေး၌ ရပ်ထားစဥ်ဆိုင်ကယ်ဖြင့်လာသော အမျိုးသားနှစ်ဦးကရောက်လာပြီး တစ်ဦးကသေနတ်ဖြင့်ခြိမ်းခြောက်ကာ လုယက်သွားခြင်းဖြစ်သည်။ ထိုအမျိုးသားကလုယက်နေချိန်တွင် ကျန်အမျိုးသားကဆိုင်ကယ်ပေါ်မှစောင့်နေခဲ့သည်ကို CCTV မှတ်တမ်းတွင်တွေ့ရသည်။
“ လွယ်လွယ်လေးရယ် လုယူသွားတာ။ ဒီဟာက CCTV ရလို့သိတာ။ဖြစ်နေတာခဏခဏ” ဟု လားရှိုးမြို့ခံတစ်ဦးက ပြောသည်။
Public Service Announcement
အဆိုပါလုယက်မှုတွင် သေနတ်ပစ်ခတ်သံနှစ်ချက် ကြားရသည်။ လုယက်ခံရသည့်အမျိုးသမီးက ကားနောက်ပြေးလိုက်၍ အော်ဟစ်အကူအညီတောင်းသော်လည်း ဘေးပတ်ဝန်းကျင်း၌ လူများရှိသော်လည်း ကူညီပေးမည်သူမရှိခဲ့ပေ။
၁၀၂၇ စစ်ဆင်ရေးဒုတိယလှိုင်းတွင် MNDAAနှင့်ပူးပေါင်းတပ်များက ၂၀၂၄ သြဂုတ်လဆန်း၌ ရမခ အပါအဝင်လားရှိုးမြိူ့ကိုသိမ်းယူနိုင်ခဲ့သည်။ သို့သော် တရုတ်က MNDAA ကိုပြင်းထန်စွာဖိအားပေးပြီး ကြားဝင်စွက်ဖက်သဖြင့် လားရှိုးမြို့ကို စစ်ကောင်စီက တရုတ်အကူအညီဖြင့် ပြီးခဲ့သည့် ဧပြီလတွင် ကျည်တစ်ချက်မဖောက်ရဘဲပြန်လည်ရရှိခဲ့သည်။
လားရှိုးမြို့ကို စစ်ကောင်စီကပြန်လည်ထိန်းချုပ်ပြီးနောက် လုယက်မှုများ၊ ခိုးမှုများ၊ဓားပြတိုက်မှုများ မကြာခဏဖြစ်ပွားနေသည်။လေကြောင်းအန္တရာယ်မစိုးရိမ်ရတော့သည်မှလွဲ၍ တရားဥပဒေစိုးမိုးမှုမရှိတော့ကြောင်း လားရှိုးမြို့ခံများက ပြောသည်။
