'/%3E%3C/svg%3E){kind=small}
စက်တင်ဘာ−၂၉၊ ၂၀၂၅။ ထားမြတ်/People’s Spring
တနင်္သာရီတိုင်း၊ ပုလောမြို့နယ်က တမိုင်တောင်စစ်ကောင်စီတပ်စခန်းက ထွက်ပြေးပြီး တောင်ယာကမ်းကျေးရွာမှာ တပ်စွဲထားတဲ့ စစ်ကောင်စီတပ်ကို ထပ်မံ တိုက်ခိုက်ခဲ့ရာ သေဆုံးထိခိုက်ရှိခဲ့တယ်လို့ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၄) အထူးတပ်ဖွဲ့က သတင်းထုတ်ပြန်ပါတယ်။
တောင်ယာကမ်းရွာမှာတပ်စွဲထားတဲ့ စစ်ကောင်စီတပ်ကို စက်တင်ဘာ ၂၈ရက် မနက်မှာ သွားရောက်တိုက်ခိုက်ခဲ့တာဖြစ်ပြီး စစ်ကောင်စီတပ်ဖွဲ့ဝင် ၂ဦးသေဆုံးကာ ၁ဦး ဒဏ်ရာရရှိခဲ့တယ်လို့ အသိပေးထားပါတယ်။
” တမိုင်တောင်စခန်းက အရင်က သိမ်းထားတဲ့ ကုန်း။ စကစက ရွာထဲမှာ တပ်ပြန်စွဲတာ”လို့ KNLA တပ်မဟာ(၄) တသင်းရင်းမြစ်က ပြောပါတယ်။
Public Service Announcement
အဲဒီ ရွာမှာတပ်စွဲနေတဲ့ စစ်ကောင်စီတပ်ကို ပစ်ခတ်တိုက်ခိုက်ရခြင်းမှာ တောင်ယာကမ်းရွာမှာ ပြည်သူတွေရဲ့ပစ္စည်းတွေကို စစ်ကောင်စီတပ်က ခိုးယူတာ၊ မွေးမြူ ထားတဲ့ တိရိစ္ဆာန်တွေကို ခိုးယူဖမ်းဆီး စားသောက်တာ ပြုလုပ်နေတာကို သတိပေးလိုတာကြောင့် ဖြစ်တယ်လို့ KNLA တပ်မဟာ(၄)အထူးတပ်ဖွဲ့က ထုတ်ပြန်ပါတယ်။
“အမှည့်ချွေ လုပ်ငန်းစဉ်အား ဆက်လက် လုပ်ဆောင်လိုခြင်းကြောင့် သော်လည်းကောင်း သွားရောက်တိုက်ခိုက်ခြင်းဖြစ်သည်” လို့လည်း ထုတ်ပြန်ချက်မှာ ဖော်ပြထားပါတယ်။
တောင်ယာကမ်းရွာမှာ တပ်စွဲထားတဲ့ စစ်ကောင်စီတပ်ကို တိုက်ခိုက်တဲ့ စစ်ဆင်ရေးမှာ KNLA ရဲဘော်တွေ ထိခိုက်ဒဏ်ရာရမရှိဘဲဆုတ်ခွာနိုင်ခဲ့တယ်လို့လည်း အသိပေးပါတယ်။
KNLA ပူးပေါင်းတပ်ဖွဲ့ဟာ စစ်ကောင်စီရဲ့ တမိုင်တောင်တပ်စခန်းကို ၀ိုင်းပတ်ပိတ်ဆို့ခဲ့ရာ ပြီးခဲ့တဲ့ တလခန့်အကြာ ဩဂုတ်လအတွင်းက စစ်ကောင်စီတပ်ဖွဲ့ဝင်တွေ စခန်းကို စွန့်ခွာသွားတာဖြစ်ပါတယ်။
