ရန်ကုန်မှာ မိုးများကြီး ရေလျှံ

နိုဝင်ဘာ – ၂၊၂၀၂၅ ၊ရောင်နီ/ People’s Spring

ရန်ကုန်မြို့မှာ ဒီနေ့(နိုဝင်ဘာ၂) မနက်ပိုင်းကတည်း က မိုးများနေတာကြောင့် မြို့နယ်တော်တော်များများမှာ ရေကြီးရေလျှံတာတွေဖြစ်နေပါတယ်။

“မနက်အစောပိုင်းက မိုးက ရေတော်တော်ပါတယ်၊ လမ်းတွေပါရေမြှုပ်တာ၊ အခုလည်းတဖွဲဖွဲတော့ ရွာတုန်း ၊ရေကျတဲ့နေရာတွေလည်းကျသွားပြီ” လို့ ကမာရွတ်မြို့နယ်မှာနေထိုင်သူတစ်ဦးကပြောပါတယ်။

မိုးရွာတိုင်းရေကြီးနေကြဖြစ်တဲ့ သမိုင်းလမ်းဆုံ ၊ တာမွေအဝိုင်းစတဲ့နေရာတွေမှာလည်း လမ်းပေါ်မှာ ရေများနေတာကြောင့် ကားလမ်းတွေပိတ်တယ်လို့ ဒေသခံတွေကပြောပါတယ်။

Public Service Announcement

လေဖိအားနည်းရပ်ဝန်းကြောင့် ဒီရက်ပိုင်း ရန်ကုန် အပါအဝင် ဒေသအများစုမှာ မိုးဆက်ရွာဦးမယ်လို့ မိုးလေဝသသတင်းတွေမှာဖော်ပြထားပါတယ်။

ရန်ကုန်မှာတော့ အောက်တိုဘာ ၃၁ ရက်ညကစပြီး မိုးဆက်တိုက်ရွာနေတာဖြစ်ပါတယ်။