ဒီဇင်ဘာ-၂၁၊ ၂၀၂၅။ ဆန်အောင်/People’s Spring
ကရင်အမျိုးသားအစည်းအရုံး(KNU)၊မြိတ်-ထားဝယ်ခရိုင် တနင်္သာရီမြို့နယ် ပ၀ကျေးရွာကို စစ်ကောင်စီတပ်က အသေခံဒရုန်းနဲ့ တိုက်ခိုက်ခဲ့ကြောင်း KNU မြိတ်ထားဝယ်ခရိုင်က ဒီကနေ့ သတင်းထုတ်ပြန်ပါတယ်။
ဒီဇင်ဘာ ၁၇ရက် ညနေပိုင်းမှာ စစ်ကောင်စီရဲ့ အမှတ်(၃၀၆)အမြောက်တပ်ရင်းက ကာမီကာဇေဒရုန်းနဲ့ တိုက်ခိုက်လို့ ပဝရွာခရစ်ယာန်ဘုရားကျောင်းအဆောက်အအုံအနည်းငယ်ထိခိုက်ပျက်စီးခဲ့ဟု အသိပေးပါတယ်။
” တိုက်ပွဲဖြစ်ပွားမှုမှရိဘဲ သူတို့ လုပ်တာပေါ့နော်”လို့ KNLAတပ်မဟာ(၄) သတင်းရင်းမြစ်က စစ်ကောင်စီရဲ့ အကြောင်းမဲ့ တိုက်ခိုက်လာမှုအပေါ် ပြောပြပါတယ်။
Public Service Announcement
စစ်ကောင်စီဟာ အာဏာဆက်လက်တည်မြဲနိုင်ရေး သူတို့အုပ်ချုပ်ရာနယ်မြေတွေမှာရွေးကောက်ပွဲအတင်းအဓမ္မ ပြုလုပ်ဖို့ ကြိုးပမ်းနေသလို လက်လွတ်ဆုံးရှုံးခဲ့ရတဲ့ နယ်မြေတွေဖြစ်တဲ့ KNU မြိတ်ထားဝယ်ခရိုင် အုပ်ချုပ်ရာဒေသတွေက ပြည်သူတွေ အကြောက်တရားဖြစ်ပေါ်စေဖို့ရည်ရွယ်ချက်ရှိရှိ လေကြောင်းတိုက်ခိုက်တာတွေ လုပ်ဆောင်နေကြောင်း ထုတ်ပြန်ချက်မှာ ဖော်ပြထားပါတယ်။
စစ်ကောင်စီဟာ အရင်ကလည်း KNU မြိတ်-ထားဝယ်ခရိုင်အတွင်း အရပ်သား ပြည်သူနေထိုင်ရာတွေကို လေယာဉ်ဗုံးကြဲတာ၊လက်နက်ကြီးပစ်ခတ်တာတွေလုပ်ဆောင်ခဲ့လို့ အရပ်သား ပြည်သူသေဆုံးထိခိုက်ခဲ့ရတာတွေလည်းရှိခဲ့ပါတယ်။
