ဇန်နဝါရီ-၂၁၊ ၂၀၂၆။ ထားမြတ်/People’s Spring
ကရင်အမျိုးသားအစည်းအရုံး(KNU) ညောင်လေးပင်ခရိုင် ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၃)နယ်မြေမှာ အာဏာသိမ်းစစ်ကောင်စီတပ်သား ၇ဦး ထပ်မံ အလင်းဝင်လာကြောင်း KNU ညောင်လေးပင်ခရိုင်က သတင်းထုတ်ပြန်ပါတယ်။
ဇန်နဝါရီ ၁၈ရက်က KNU ညောင်လေးပင်ခရိုင် လယ်ဒို(ကျောက်ကြီး)မြို့နယ် KNLA တပ်မဟာ (၃) လက်အောက်ခံ ကရင်အမျိုးသားကာကွယ်ရေးတပ်ဖွဲ့(KNDO) တပ်ရင်း(၃)ဆီကို အလင်းဝင်လာတာဖြစ်တယ်လို့ အသိပေးပါတယ်။
အလင်းဝင်လာသူတွေဟာ စစ်ကောင်စီတပ်က အဓမ္မ စစ်မှုထမ်းအဖြစ် စုဆောင်းခံရသူတွေ ဖြစ်ပြီး ကျောက်ကြီးမြို့နယ် တုံးတံတား စခန်းမှာ တာဝန်ကျနေစဉ် KNDOထံ လက်နက်ချ လာတာလို့ ဆိုပါတယ်။
Public Service Announcement
အလင်းဝင်လာသူ ၇ဦးဟာ ခလရ(၅၃) တပ်ရင်းက ဖြစ်ပြီး လက်နက်တွေ ယူလာခြင်းရှိမရှိကိုတော့ ထုတ်ပြန်ချက်မှာ ဖော်ပြမထားပါဘူး။
ဇန်နဝါရီ ၃ရက်ကလည်း KNLA တပ်မဟာ(၃) တပ်ရင်း(၈) ဆီကို စစ်ကောင်စီရဲ့ ခမရ(၅၉၉) တပ်က တပ်သား ၃ဦး အလင်းဝင်ခဲ့သလို ၂၀၂၅ ဒီဇင်ဘာလထဲမှာလည်း တပ်မဟာ(၃) ဆီကို အလင်းဝင်လာတဲ့ စစ်ကောင်စီတပ်သားတွေ ၁၀ဦးထက်မနည်းရှိခဲ့ပါတယ်။ အလင်းဝင်လာသူတွေအားလုံးဟာ စစ်ကောင်စီက အဓမ္မ စစ်သားစုဆောင်းထားတဲ့ သူတွေဖြစ်ပြီး KNU အနေနဲ့ ကောင်းမွန်စွာ ထိန်းသိမ်းစောင့်ရှောက်ထားကြောင်း အသိပေးထားပါတယ်။
ဒါ့အပြင် စစ်ကောင်စီတပ်တွင်းက အတင်းအဓ္ဓမစစ်မှုထမ်း စေခိုင်းခံရသူတွေ အနေနဲ့ KNUနဲ့ နီးစပ်ရာ တော်လှန်ရေးတပ်တွေဆီ အလင်းဝင်ကြဖို့လည်း KNUက ထပ်မံ တိုက်တွန်းနှိုးဆော်ထားပါတယ်။
