ဖေဖော်ဝါရီ-၂၄၊၂၀၂၆။ကဖေး/People’s Spring
ပုလဲမြို့နယ်ထဲမှာ စစ်ကြောင်းထိုးနေတဲ့စစ်တပ်က ဗိုလ်နဂါးနဲ့ လက်နက်ချBNRA တပ်ဖွဲ့ဝင်တွေက ပေးလိုက်တဲ့ တော်လှန်ရေး ရဲဘော်တွေနဲ့ မိသားစုဝင်တွေရဲ့ တည်နေရာနဲ့ အချက်အလက်တွေအတိုင်း စစ်ကြောင်းထိုး မီးရှို့နေတယ်လို့ သတင်းရရှိပါတယ်။
ဗိုလ်နဂါးနဲ့ BNRA တပ်ဖွဲ့ဝင်အချို့က ဖေဖော်
ဝါရီလ၁၈ရက်နေ့မှာ အာဏာသိမ်းစစ်တပ်နဲ့ပူးပေါင်းသွားတာဖြစ်ပြီး ဖေဖော်ဝါရီလ၁၉ရက်နေ့ကစပြီး စစ်ပ်က ပုလဲမြို့နယ်ထဲကို အင်အားတွေပို့ဆောင်ခဲ့တာဖြစ်ပါတယ်။ အဲဒီနောက်ဖေဖော်
ဝါရီလ၂၁ရက်နေ့ကစပြီး ပုလဲမြို့နယ်၊ကန်ပေါက်ရွာ နဲ့ ကျွန်းဘိုကုန်းရွာကို စတင်စစ်ကြောင်းထိုးပြီး တော်လှန်ရေးရဲဘော်တွေရဲ့နေအိမ်တွေကို စာရင်းယူလာပြီး မီးရှို့ဖျက်ဆီးနေတာလို့ ဒေသခံတွေကပြောပါတယ်။
“ကျမ ဝမ်းနည်းတယ်။ အိမ်ကို စစ်ကြောင်းရောက်
လာပြီး မီးရှို့သွားပြီ။သူတို့ဆီမှာစာရင်းတွေပါလာတယ်” လို့ စစ်တပ်စစ်ကြောင်းဝင်ရောက်လာလို့ ထွက်ပြေးတိမ်းရှောင်ခဲ့တဲ့ ဒေသခံမျိုးသမီးတဦးကပြောပါတယ်။
Public Service Announcement
အထက်ပါအမျိုးသမီးဟာ ၂၀၂၃ ခုနှစ်က တိုက်ပွဲအတွင်း ကျဆုံးခဲ့တဲ့ PDF ရဲဘော်တစ်ဦးရဲ့ ဇနီးဖြစ်ပါတယ်။ ဖေဖော်ဝါရီလ၂၁ရက်နေ့က စစ်
ကြောင်းဝင်လာလို့ ကလေးနဲ့ မိသားစုဝင်တွေကို ခေါ်ပြီး ထွက်ပြေးခဲ့စဉ် ရွာက အိမ်ကို စစ်တပ်ကမီးရှို့ဖျက်ဆီးသွားတာပါ။
“နဂါးနဲ့ သူ့လူတချို့ကစစ်တပ်ကိုဒေတာတွေအ
ကုန်ပေးလိုက်တယ်ဗျ။အခုကတော်လှန်ရေးရဲ
ဘော်တွေရဲ့စာရင်းတွေနဲ့ လိုက်ဖျက်ဆီးနေတာ”လို့ အခြားဒေသခံတဦးကပြောပါတယ်။
စစ်တပ်က ပုလဲမြို့အနီးက ရွာတွေကို စစ်
ကြောင်း ၂ကြောင်းခွဲပြီး ထိုးနေတာပါ။ဖေဖော်
ဝါရီလ၂၁ရက်နေ့ကနေ ဖေဖော်ဝါရီ ၂၄ရက်အထိကန်ပေါက်ရွာ၊ ကျွန်းဘိုကုန်းရွာ၊ ကြောင်သန်းရွာ၊ ဆင်ရှင်ရွာ၊အင်ကြင်းစုရွာ၊ ကိုင်းတောရွာတွေကို ဝင်ရောက်ပြီး ဒေသခံတွေကိုဖမ်းဆီးစစ်ကြောင်းထိုးနေတာဖြစ်ပါတယ်။
စစ်တပ်စစ်ကြောင်းဝင်တဲ့ရွာတွေဟာ တော်လှန်
ရေးတပ် တပ်စွဲမထားတဲ့ ရွာတွေဖြစ်ပါတယ်။ဒါကြောင့်ဒီနေ့အထိမြေပြင်တိုက်ပွဲမရှိသေးဘူးလို့ ပြည်သူ့ကာကွယ်ရေးရဲဘော်တစ်ဦးကပြောပါတယ်။
စစ်တပ်က မီးရှို့ဖျက်ဆီးမယ့်အန္တရာယ်ကြောင့်စစ်
ကြောင်းမဝင်သေးတဲ့ ရွာကအိမ်တွေကို တံခါးရွက်ဖြုတ်ယူသိမ်းဆည်းတွေ၊အိမ်တွင်းပရိဘောဂပစ္စည်းတွေ ဖြုတ်သိမ်းတာတွေလည်း ပြုလုပ်နေကြရပါတယ်။
“တတ်နိုင်သလောက်ပေါ့ဗျာ။ ခွေးကြောင်းက
တော့ ရှို့မှာပဲ။ ရသလောက် ပြန်ယူထားတဲ့သ
ဘော။ တံခါးရွက်တွေလည်းဖြုတ်သိမ်းထားရတယ်”လို့ ဒေသခံတစ်ဦးကပြောပါတယ်။။
NUGလက်အောက်ခံတပ်တွေနဲ့ BNRA တို့ကြားတင်းမာမှုတွေမြင့်တက်ပြီး NUG ပြည်ထဲရေးက အမှု ၇ မှုဖွင့်ပြီးနောက်ဗိုလ်နဂါးဦးဆောင်တဲ့ BNRA တပ်ဖွဲ့စခန်းအချို့ကို ယင်းမာပင်ခရိုင်က PDF တပ်ရင်းတွေကဖေဖော်ဝါရီလ၁၇ရက်မနက်ပိုင်းမှာ စီးနင်းခဲ့ပြီး တိုက်ပွဲဖြစ်ခဲ့ပါတယ်။ ဖေဖော်
ဝါရီလ၁၈ရက်နေ့မှာဗိုလ်နဂါးကစစ်တပ်ထံအလင်း
ဝင်ခဲ့လို့ စစ်တပ်က ရဟတ်ယာဉ်နဲ့ ခေါ်ထုတ်သွားပါတယ်။ ဗိုလ်နဂါးအပြင် BNRA အဖွဲ့က စစ်ရေးတာဝန်ခံ၊ ဘဏ္ဍာရေးတာဝန်ခံနဲ့အဖွဲ့ဝင်အချို့လည်း စစ်တပ်ထံလက်နက်ချသွားတာမို့ ပုလဲမြို့နယ်အတွင်း လုံခြုံရေးနဲ့ စစ်ရေးသတိပြုကြဖို့ တော်လှန်ရေးအင်အားစုတွေက သတိပေးထားပါတယ်။
စစ်ကောင်စီလက်ထဲမှာ ရှိနေတဲ့ BNRA အဖွဲ့ဝင်တွေက မြေပြင်မှာ ရှိနေတဲ့ BNRA အဖွဲ့ဝင်တွေလည်း အလင်းဝင်ဖို့ ဖုန်းကနေတဆင့် စည်းရုံးတာတွေရှိနေပါတယ်။BNRA တပ်ဖွဲ့အောက်မှာ အဖွဲ့ဝင် ၃၀၀ ကနေ ၄၀၀ ခန့်ရှိနိုင်ပြီး ယင်းမာပင်ခရ်ိုင်နဲ့မုံရွာခရိုင်အပြင် စစ်ကိုင်းတိုင်းနဲ့ မကွေးတိုင်းကမြို့နယ်တချို့မှာပါ ဗိုလ်နဂါးက လက်နက်တွေပေးပြီး စည်းရုံးထားတယ်လို့ တော်လှန်ရဲဘော်တွေကပြောပါတယ်။
အင်အား ၂၀၀ ကျော်ဟာ PDFနဲ့ ပကဖထံ လက်နက်ချပူးပေါင်းလာပြီး တော်လှန်ရေးမှာ ဆက်လက် ပါဝင်မယ်လို့ သိရပါတယ်။
