မတ်−၆၊၂၀၂၆၊ရှိန်း/People’s Spring
မန္တလေးတိုင်း၊သပိတ်ကျင်းမြို့နယ်က တကောင်းမြို့ဦးတည်စစ်ကြောင်းထိုးနေတဲ့ စစ်တပ်က ဒရုန်းနဲ့ ဗုံးကြဲလို့ စစ်ရှောင်ပြည်သူ ၂ဦး သေဆုံးခဲ့တယ်လို့ ဒေသခံတွေက ပြောပါတယ်။
မတ်လ ၅ရက် မနေ့က သပိတ်ကျင်းမြို့နယ်၊မင်းကုန်းရွာအနီးက ပြည်သူတွေ စစ်ဘေးရှောင်တဲ့နေရာကို ဒရုန်းနဲ့ စစ်တပ်ကဗုံးကြဲခဲ့တာလို့ သိရပါတယ်။
“ရွာအပြင် လယ်တောတွေ၊တောတောင် တွေဘက်ကိုပြည်သူ တွေကရှောင် နေကြရတာ။စကစဘက်က ဒရုန်းအားအရမ်းကောင်းတယ်။ဆက်တိုက်ကြဲနေတာ”လို့ဒေသခံ တစ်ဦးက ပြောပါတယ်။
Public Service Announcement
သေဆုံးသူ တွေဟာ မင်းကုန်းရွာကပြည်သူတွေဖြစ်တယ်လို့သာ သိရပြီး အသေးစိတ်အချက်အလက်မသိရသေးပါဘူး။
စစ်တပ်က တကောင်းမြို့ကို ထိန်းချုပ်နိုင်ဖို့ လမ်းမကြီးအတိုင်းစစ်ကြောင်းထိုးနေပြီး လက်ပန်ကုန်းရွာမထိရောက်နေကာ တကောင်းလမ်းစုံနဲ့ (၉)မိုင်အကွာကို ရောက်နေတယ်လို့ သိရပါတယ်။
မန္တလေးတိုင်းကွပ်ကဲရေးက ကွပ်ကဲပြီး ခရိုင်တပ်ရင်းတွေနဲ့ တော်လှန်ရေးတပ်တွေဘက်ကလည်း မြို့ကိုကာကွယ်ထားပြီး နှစ်ဖက်အထိခိုက်အကျဆုံးလည်းများတယ်လို့ သိရပါတယ်။
တကောင်းမြို့ကို ၂၀၂၄ ဩဂုတ်က တော်လှန်ရေးတပ်ပေါင်းစုကသိမ်းယူနိုင်ခဲ့ပြီး ဖေဖော်ဝါရီ၁ရက်ကစတင်ကာ စစ်တပ်ရဲ့တပ်မ(၅၅)က ထိုးစစ်ဆင်နေတာလို့ သိရပါတယ်။
