မတ်-၁၇၊၂၀၂၆။ သုည/People’s Spring
ကချင်ပြည်နယ်၊ ဖားကန့်မြို့နယ်မှာ မှော်လှည့် သပိတ်က နိုင်ငံတဝန်းကပြည်သူတွေကို နေ့စဉ် ဗုံးကြဲ သတ်ဖြတ်နေတဲ့ စစ်တပ်ကို ဆန့်ကျင်ကြောင်း ဒီကနေ့ (မတ်လ ၁၇) နံနက်ပိုင်းက ဖားကန့်မှော်ဒေသ တနေရာမှာ ဆန္ဒထုတ်ဖော်ခဲ့ကြပါတယ်။
ဖားကန့်ပြည်သူတွေက “ပြည်သူသာအဓိက မည်သည့် အာဏာရှင်စနစ်မှ အလိုမရှိ”၊ “အပြစ်မဲ့သူတွေကို ဗုံးကြဲသတ်ဖြတ်နေတဲ့ အကြမ်းဖက်စစ်တပ် အလိုမရှိ”၊ “စစ်အာဏာရှင် အမြစ်ဖြတ်ဖို့ ပြည်သူအားလုံးပါဝင်စို့” ဆိုတဲ့ ဗီနိုင်းတွေ ကိုင်ဆောင်ကာ ဆန္ဒပြခဲ့ပါတယ်။
ဒါ့အပြင် “ဗုံးကြဲလူသတ် မုဒိမ်းတပ် လူထုအားနဲ့ အမြစ်ဖြတ်” ၊ “ဗုံးကြဲလူသတ် ဖက်ဆစ်တပ် အမြစ်ပြတ်ချေမှုန်း အတူစုရုံး” ၊ “မြစ်ဆုံ စီမံကိန်း အလိုမရှိ” ၊ “တရားမဝင် မင်းအောင်လှိုင် အစိုးရကို ပြည်သူအားလုံး ဆန့်ကျင်ကြ” ၊ “ပြည်သူအားလုံး သွေးမအေးပဲ စစ်အာဏာရှင်ကို ဆန့်ကျင်ကြ” စတဲ့ ကြွေးကြော်သံတွေနဲ့ ချီတက်ခဲ့ကြပါတယ်။
Public Service Announcement
ဓာတ်ပုံ – စစ်အာဏာရှင်ဆန့်ကျင်ရေးလူထုကွန်ရက် (ဖားကန့်မြို့နယ်)
