ဧပြီ ၁၄၊ ၂၀၂၆။မိုးမိုး/People’s Spring
အာဏာသိမ်းအကြမ်းဖက်စစ်တပ်မှ ယခုအခါအရပ်ဖက်အစိုးရအသွင်သစ်ဖြင့် ပြည်သူ့အာဏာကို မတရားသိမ်းပိုက်ခဲ့တဲ့ စစ်ရာဇဝတ်သားမင်းအောင်လှိင် တပ်ရင်းမှူးအဆင့် ရာထူးရှိချိန်က ဦးဆောင်ခဲ့တဲ့ ဘီးလင်းမြို့နယ် လေးကေတပ်စခန်းကို သိမ်းရခဲ့ကြောင်း ကရင်အမျိုးသားအစည်းအရုံး(KNU) ဗဟိုက သတင်းထုတ်ပြန်ပါတယ်။
ဘီးလင်းမြို့နယ်က လေးကေတပ်စခန်းကို ဧပြီ ၁၂ရက်နေ့မှာ ကရင်အမျိုးသားလွတ်မြောက်ရေးတပ်မတော်(KNLA)နဲ့ ပြည်သူ့ကာကွယ်ရေးတပ်(PDF) တို ပါဝင်တဲ့ တော်လှန်ရေးပူးပေါင်းတပ်က သိမ်းပိုက်ခဲ့ရာ KNUက ဒီကနေ့မှာ စခန်းသိမ်းပိုက်နိုင်မှု သတင်းကို ဖော်ပြလာတာပါ။
ဒီလို ဖော်ပြရာမှာ အာဏာသိမ်းစစ်ခေါင်းဆောင် မင်းအောင်လှိင်က အခုအခါ လူထုအာဏာ မတရားရယူထားတဲ့ အခြေအနေကိုလည်း အထက်ပါအတိုင်း မီးမောင်းထိုး ဖော်ပြထားတာပါ။
Public Service Announcement
လေးကေတပ်စခန်းကို KNLA ပူးပေါင်းတပ် ဧပြီ ၇ရက်မှာ စတင်ထိုးစစ်ဆင်ခဲ့ရာ တိုက်ပွဲ ၆ရက်မြောက်နေ့မှာ စခန်းသိမ်းနိုင်ခဲ့ပြီး ဒုတပ်ရင်းမှူး အပါအဝင် တပ်သားအချို အရှင်ဖမ်းမိခဲ့ပါတယ်။ လက်နက်အချိုလည်း သိမ်းရခဲ့ပါတယ်။
အဲဒီ စခန်းမှာ အမှတ် (၄၄) ခြေမြန်တပ်မဌာနချုပ်လက်အောက်ရှိ ခမရ (၂) အခြေချနေတာဖြစ်ပါတယ်။
လေးကေတပ်စခန်းဟာ KNU အုပ်ချုပ်နယ်မြေ သတ်မှတ်ချက်အရ သထုံခရိုင်(ဒူးသထူခရိုင်) ဘီးလင်းမြိုနယ်အတွင်း ၁၉၇၉ ခုနှစ်ကတည်းက စစ်အုပ်စုက အခြေချတာဖြစ်ပြီး နှစ်ပေါင်း ၄၇ နှစ် အကြာမှာ KNUကသိမ်းပိုက်နိုင်ခဲ့တာဖြစ်ပါတယ်။
စစ်ဆင်ရေးဆောင်ရွက်မှု အခြေအနေကို အသိပေးထားရာ ဧပြီ ၇ရက်နေ့ကနေ ၉ရက်နေ့အိ ပြောက်ကျားတိုက်ခိုက်ခဲ့ပြီး ၁၀ရက်နေ့မှာ စခန်းသိမ်းထိုးစစ် အရှိန်မြှင့်ခဲ့တာလို ဆိုပါတယ်။
စစ်ကောင်စီက တပ်စခန်းမကျရေး တိုက်လေယာဉ် Y12 လေယာဉ်တွေနဲ့ ပစ်ကူပေးတိုက်ခိုက်ခဲ့ကြောင်း အသိပေးထားပါတယ်။
စခန်းသိမ်းတိုက်ပွဲများအတွင်း နှစ်ဖက်ထိခိုက်မှုများရှိခဲ့ပြီးပြီး စစ်တပ်ရဲ့ လေကြောင်း တိုက်ခိုက်မှုတွေကြောင့် အရပ်သားပြည်သူလူထုအိုးအိမ်နဲ့ ပစ္စည်းဥစ္စာများလည်း ထိခိုက်မှုအများအပြားရှိခဲ့ဟု KNUက သတင်းထုတ်ပြန်ထားပါတယ်။
အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနကလည်း လေးကေစခန်းသိမ်းတိုက်ပွဲသတင်းထုတ်ပြန်ထားရာ စခန်းသိမ်းစစ်ဆင်ရေးမှာ KNU တပ်မဟာ (၁) ရှိ KNLA တပ်ရင်းများ၊ KNDO၊ ABSDF၊ အထူးတိုင်းစစ်ဌာန နည်းဗျူဟာ (၂၇) ကွပ်ကဲမှုအောက်ရှိတပ်ရင်းများ၊ နည်းဗျူဟာ (၃၇) ကွပ်ကဲမှုအောက်ရှိတပ်ရင်းများ၊ အထူးစစ်ဆင်ရေးတပ်ဖွဲ – SOF၊ ရန်ကုန်တိုင်းပကဖ တိုက်ခိုက်ရေးစစ်ကြောင်း၊ UOC စစ်ကြောင်း၊ FFD ဒရုန်းတပ်ဖွဲ၊ ရောင်နီဒရုန်းတပ်ဖွဲ၊ Cloud Wings ဒရုန်းတပ်ဖွဲ၊ FFDF ဒရုန်းတပ်ဖွဲ၊ Rangoon Warriors ဒရုန်းတပ်ဖွဲ ၊ KRF ဒရုန်းတပ်ဖွဲတို ပူးပေါင်း တိုက်ခိုက်သိမ်းပိုက်ခဲ့ခြင်းဖြစ်ဟု အသိပေးထားပါတယ်။
