ဖားကန့်မှာ အလုပ်သမား​နေ့အထိမ်းအမှတ် “ဒီမိုက​ရေစီလွတ်လပ်မှုနှင့် တရားမျှတမှုအတွက်တိုက်ပွဲဝင်ကြပါစို့”လို့ ​ကြွေး​ကြော်ဆန္ဒပြ

​မေ-၁၊၂၀၂၆။​နေ့သစ်/People’s Spring

ကချင်ပြည်နယ်၊ဖားကန့်မြို့မှာ ဖားကန့်မှော်လှည့်သပိတ်နဲ့ဖားကန့်သပိတ်အင်အားစု​တွေကဒီက​နေ့ကျ​ရောက်တဲ့ အပြည်ပြည်ဆိုင်ရာအလုပ်သမားနေ့ မှာ စစ်အာဏာရှင်လက်အောက် အလုပ်သမားအခွင့်အရေး ဆုံးရှုံးပြီး မတရား ဖိနှိပ်ခံနေရတဲ့ မြန်မာတနိုင်ငံလုံးရှိ အလုပ်သမားလူတန်းစား အသီးသီးက စစ်အာဏာရှင်လက်အောက်မှ အမြန်ဆုံးလွတ်မြောက်ဖို့ ဆက်လက်တိုက်ပွဲဝင်ကြဖို့ ​ကြွေး​ကြော်ပြီးစစ်အာဏာရှင်ဆန့်ကျင်ရေး ဆန္ဒပြခဲ့ကြပါတယ်။

“ဒီမိုက​ရေစီလွတ်လပ်မှုနှင့် တရားမျှတမှုအတွက်တိုက်ပွဲဝင်ကြပါစို့”လို့​​​ကြွေး​ကြော်ပြီး ဆယ်နဲ့ချီတဲ့ သပိတ်အင်အားစုနဲ့ ​ဒေသခံပြည်သူ​တွေက လမ်း​​လျှောက်ချီတက်ဆန္ဒပြခဲ့ကြပါတယ်။

“အလုပ်​နေရာတွင် တရားမျှတမှုရှိမှ လူမှုအသိုင်းအဝိုင်းတွင်လည်းရှိမည်” ၊ “အလုပ်သမား​တွေမငြိမ်ဘူး တရားမျှတမှုလိုချင်တယ်” ၊ “စု​ပေါင်းဖွဲ့စည်းခွင့်သည် ဒီမိုက​ရေစီ၏ အ​ခြေခံဖြစ်သည်” စတဲ့​ကြွေး​ကြော်သံ​တွေနဲ့ ဆန္ဒထုတ်​ဖော်ပါတယ် ။

Public Service Announcement

ဒါအပြင် ဒေါ်အောင်ဆန်းစုကြည် နဲ့နိုင်ငံရေးအကျဉ်းသားအားလုံး ချက်ချင်းလွတ်​ပေးဖို့ စစ်တပ်က နိုင်ငံ​တော်အတိုင်ပင်ခံရဲ့ ဓါတ်ပုံကိုသာထုတ်ပြတဲ့အ​ပေါ် “ကျွန်ုပ်တို့အားလုံး​တောင်းဆို​နေသည်မှာ သက်ရှိထင်ရှားရှိ​ကြောင်း ဓါတ်ပုံပြရန်မဟုတ်ပါ သင်​သေပြပါ။” လို့လည်း​​ကြွေး​ကြော် နဆန္ဒပြကြပါတယ် ။

”စစ်အာဏာရှင်စနစ် ကျဆုံးသည်အထိ ပြည်သူအားလုံး တိုက်ပွဲဝင်ကြစို့”၊“ပြည်သူများအား သတ်ဖြတ်မီးရှို့ ဗုံးကျဲမှု့ ချက်ချင်းရပ်”၊ “အကြမ်းဖက် စစ်တပ် ကျရှုံးပါစေ” စတဲ့​ကြွေး​​ကြော်သံ​တွေကိုင်ဆောင် ချီတက် ရင်းသပိတ်မှောက်ခဲ့ကြပါတယ်။

ဖားကန့်မှာ ​တော်လှန်​ရေးတပ်​တွေနဲ့ စစ်တပ်ကြားတိုက်ပွဲ​တွေမကြာခဏဖြစ်ပြီး စစ်​ရေးတင်းမာ​နေတဲ့ကြားက ​မေလ ၁ ရက်မှာအခုလို သပိတ်အဖွဲ့​တွေနဲ့ ​ဒေသခံပြည်သူ​တွေက ဆန္ဒပြခဲ့ကြတာပါ။