ယနေ့ ဇူလိုင် ၂၄ ရက်တွင် ရန်ကုန်မြို့ နေရာအနှံ့အပြား၌ စစ်ကောင်စီတပ်များ လုံခြုံရေး တင်းကြပ်ထားသော်လည်း စမ်းချောင်းရှိ လူငယ်များဦးဆောင်၍ ကြည့်မြင်တိုင်၊ ဆင်မလိုက်စျေးအနီး၌ ဆန္ဒပြခဲ့ကြသည်။
လူငယ်များသည် စစ်အာဏာရှင်စနစ်အမြစ်ပြတ်ကျဆုံးရေး ဆန္ဒပြခဲ့ပြီး အင်းစိန်ထောင်မှသူရဲကောင်းများနှင့်အတူ ရပ်တည်ကြောင်း ရည်ရွယ်၍ သွေးသစ္စာသီချင်းကို သီဆိုခဲ့ကြသည်။
ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။
