အမေရိကန် ဒေါ်လာ သန်းတစ်ထောင်ဖိုး တန်ကြေးရှိတဲ့ အထူးငွေတိုက် စာချုပ် တွေ NUG ရောင်းချမယ်

တော်လှန်ရေးအတွက် လိုအပ်တဲ့ ဘဏ္ဍာငွေအတွက် NUG အစိုးရဟာ အမေရိကန်ဒေါ်လာသန်းတစ်ထောင်ဖိုးတန်ကြေးရှိတဲ့ အထူးငွေတိုက်စာချုပ်တွေကို ရောင်းချသွားမယ်လို့ အသိပေးလိုက်ပါတယ်။

မနေ့က နိုဝင်ဘာလ ၄ ရက်မှာ ပြုလုပ်တဲ့သတင်းစာရှင်းလင်းပွဲမှာ NUG ရဲ့ စီမံဘဏ္ဍာဝန်ကြီး ဦးတင်ထွန်းနိုင်က NUG အစိုးရဟာ ပြည်သူဆီက တရားဝင်ငွေချေးတဲ့သဘောအနေနဲ့ အထူးငွေတိုက်စာချုပ်တွေကို ရောင်းချရသာလို့ ပြောပါတယ်။

ဒီလို ရောင်းချရာမှာ အမေရိကန် ဒေါ်လာ သန်းတစ်ထောင်ဖိုး ရည်ရွယ်ထားပြီး အသုတ်လိုက် ရောင်းချမယ်လို့သိရပါတယ်။

ပထမဆုံးအသုတ်ကို နိုဝင်ဘာလလယ်မှာ အနည်းဆုံး အမေရိကန်ဒေါ်လာ သန်း ၂၀၀ ဖိုး ရောင်းမှာဖြစ်ပြီး စီးရီး အနေနဲ့ တော်လှန်ရေးကို ကိုယ်စားပြု တဲ့ R စီးရီးကို ရောင်းချမှာလို့ပြောပါတယ်။

Public Service Announcement

အထူးငွေတိုက်စာချုပ်ရောင်းချရာမှာ ၄ မျိုး ရောင်းချမှာဖြစ်ပြီး အမေရိကန်ဒေါ်လာ ၁၀၀ တန် ၊ အမေရိကန်ဒေါ်လာ ၅၀၀ တန် ၊ အမေရိကန်ဒေါ်လာ ၁၀၀၀ တန်နဲ့ အမေရိကန်ဒေါ်လာ. ၅၀၀၀ တန်တွေဖြစ်တယ်လို့သိရပါတယ်။

အထူးငွေတိုက်စာချုပ်ရဲ့သက်တမ်းကို ၂ နှစ်သတ်မှတ်ထားပါတယ်။