စစ်ကိုင်းတိုင်း တကောင်းတောင်တလုံး အနီးတိုက်ပွဲတွင် ကျဆုံးသွားသော ရဲဘော် ထူးလေး(ခ)မိုးမင်းနိုင်အတွက် အမိန့်ပြန်တမ်း ဗီဒီယိုဖိုင်ကို ပြည်သူ့ကာကွယ်ရေးတပ်များက ယနေ့(နိုဝင်ဘာ ၁၁ ရက်) ထုတ်ပြန်သည်။
ရဲဘော် ထူးလေးသည်စစ်ကောင်စီကို တိုက်ပွဲဝင်ရာတွင် သင်တန်းသန္ဓေစတည်သည်မှစ၍ မြေပြင်တိုက်ပွဲ၄ကြိမ်ထိအောင် စစ်ကောင်စီအားရှင်းလင်းသုတ်သင်ရာတွင် ရှေ့တန်းမှရွပ်ရွပ်ချွံချွံ စိတ်အားထက် သန်စွာပူးပေါင်းပါဝင်ခဲ့သူဖြစ်သည်။
စစ်ကောင်စီကိုတိုက်ပွဲဝင်ရာတွင် သင်သည် အမိနိုင်ငံတော်အတွက် ထိုက်တန်စွာ သင်၏အသက်ကို ပေးလှူခဲ့သည့်အတွက် special9-HPDFမှ သင့်ကိုယ်စား အမိနိုင်ငံတော်အတွက် ဝမ်းနည်းယူကြုံးမရဖြစ်ရသလို ဂုဏ်လည်းယူမိသည်ဟု အမိန့်ပြန်တမ်းစာ ဖတ်ကြားခဲ့သည်။
သင်၏ဝိညဉ်သည် ယခုအခါ ငြိမ်းချမ်းသောနေရာ မြင့်မြတ်သောနေရာကို ရောက်ရှိပြီးဖြစ်သည့် အတွက် ယနေ့အချိန်အခါမှစ၍ သင်သည်special 9-HPDFအဖွဲ့နှင့် လုံးဝမပတ်သက်တော့ပါ သင်သွားလိုရာသွားနိုင်ပါပြီ။ မပြီးပြတ်သေးသောတိုက်ပွဲကို ပြီးဆုံးအောင်တိုက်သွားပါမည်ဟု သင့်ဝိညဉ်ရှေ့၌ ကတိသစ္စာပြုသည်ဟု Special 9-HPDF က ဆိုသည်။
နိုဝင်ဘာ ၃ရက်က တိုက်ပွဲသည် Special-9 HPDFအဖွဲ့မှာ အကြမ်းဖက် စစ်ကောင်စီကားတစ်စီးအား မိုင်းခွဲတိုက်ခိုက်ခဲ့ပြီး စစ်ကောင်စီတပ်သားရှစ်ဦးသေကာ ပြည်သူ့တပ်ဖွဲ့ဝင်တစ်ဦးကျဆုံးခဲ့သည်။