အင်းစိန်အကျဥ်းထောင်က ကား ၅ စီးထွက်လာပြီး ကားတွေပေါ်မှာ ပါလာတဲ့ လွတ်မြောက်အကျဥ်းသားက ၈၀ ကျော်လောက်ရှိမယ်လို့ သိရပါတယ်။
ထွက်လာတဲ့ကားတွေပေါ်မှာတော့ အခုသတင်းထွက်နေတဲ့ အနုပညာရှင်တွေပါလာတာမတွေ့ရသေးသလို ကားပေါ်က လွတ်မြောက်လာသူအချို့ကတော့ ၅၀၅ (က) တွေ မပါဘူးလို့ ပြောသွားတာလည်းရှိပါတယ်။
ကားပေါ်ကလွတ်မြောက်လာသူတွေက နောက်မှာ ရှိသေးတယ်လို့ပြောပေမယ့် အကျဥ်းထောင်ပေါက်ဝက တာဝန်ရှိသူအချို့ကတော့ ထပ်လာဖို့မရှိတော့ဘူးလို့ ပြောပါတယ်။
ခုလွတ်မြောက်လာသူတွေက ပြစ်ဒဏ်ချပြီးတဲ့ အခြားအကျဥ်းသားတွေဖြစ်ပြီး ယုံကြည်ချက်ကြောင့်အကျဥ်းချခံထားရသူတွေ မပါသေးဘူးလို့လည်း ပြောနေတာရှိပါတယ်။
စစ်ကောင်စီက ပြည်ထောင်စုနေ့ အထိမ်းအမှတ် လွတ်ငြိမ်းခွင့်ပေးမယ်လို့ ကြေညာထားတာကြောင့် အင်းစိန်ထောင်ရှေ့မှာ မိသားစုဝင်အချို့လာရောက်စောင့်ဆိုင်းနေကြတာပါ။
တစ်နိုင်ငံလုံးအတိုင်းအတာနဲ့ အကျဥ်းထောင်တွေကနေ လွတ်ငြိမ်းခွင့် ၈၁၄ ဦးပေးမယ်လို့ အကြမ်းဖက်စစ်ကောင်စီကကြေညာထားတာဖြစ်ပါတယ်။
လွတ်ငြိမ်းစာရင်းမှာ ပုဒ်မ ၅၀၅ (က)နဲ့ မတရားပုဒ်မတပ် ပြစ်ဒဏ်ချမှတ်ခံထားရတဲ့ နာမည်ကြီး အနုပညာရှင်တွေပါတယ်လို့ သတင်းထွက်နေပေမယ့် ခုထွက်လာတဲ့ ကားတွေမှာတော့ အနုပညာရှင်တွေ မတွေ့ရသေးပါဘူး။