ပဲခူးရိုးမ​တောင်​ခြေ၌ တပ်စွဲထား​သော စစ်​ကောင်စီတပ်အား တိုက်ခိုက်ရာ စစ်သားရှစ်ဦး​ခန့်သေ

ပဲခူးရိုးမတောင်ခြေ၌ တပ်စွဲထားသော အကြမ်းဖက်စစ်ကောင်စီတပ်ကို တိုက်ခိုက်ခဲ့ရာ လက်နက်ကြီး ပစ်ခတ်သူအပါအဝင် စစ်သားရှစ်ဦးခန့် သေဆုံးခဲ့ကြောင်း သဲကုန်းမြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်သည်။

ဧပြီ ၁၅ ရက် နေ့လယ် ၁ နာရီအချိန်ခန့်တွင် ပေါင်းတည်မြို့နယ် သိမ်ကုန်းအုပ်စုတွင် တပ်စွဲထားသည့် စစ်ကောင်စီတပ်ဖွဲ့ဝင်များကို ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့နှင့်ပူးပေါင်း၍ မိုင်းဆွဲတိုက်ခိုက်ခဲ့ခြင်းဟု ထုတ်ပြန်ထားသည်။

အဆိုပါ တိုက်ခိုက်မှုတွင် စစ်ကောင်စီဘက်မှ လက်နက်ကြီး၊ လက်နက်ငယ်များဖြင့် ပစ်ခတ်ခဲ့သောကြောင့် ၎င်းတို့အဖွဲ့မှ လက်နက်ကြီးပစ်သည့်နေရာသို့ ပြန်လည်တိုက်ခိုက်ခဲ့ရာ စစ်ကောင်စီဘက်မှ လက်နက်ကြီးပစ်သူအပါအဝင် ရှစ်ဦးခန့်သေဆုံးနိုင်သည်ဟု ဆိုသည်။

ယင်းတိုက်ခိုက်မှုတွင် ပြည်သူ့ကာကွယ်ရေးတပ်ဖွဲ့ဝင်အားလုံး အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်း အသိ​ပေးထားသည်။

Public Service Announcement