Connect with us

Hi, what are you looking for?

LuduNwayOo

ဗီဒီယို

နယ်စပ်နားထိ မြောက်ကိုရီးယား စစ်လေယာဉ်တွေ ရောက်လာလို့ တောင်ကိုရီးယား တိုက်လေယာဉ်တွေ ပျံတက်ခဲ့ရ

နောက်ပိုင်းမှာတော့ မြောက်ကိုရီးယား လေယာဉ်တွေဟာ သရုပ်တူ ဗုံးကြဲလေ့ကျင့်မှု တစ်ခုကို ပြုလုပ်ပြီး လှည့်ပြန်သွားခဲ့ကြပါတယ်။ တောင်ကိုရီးယား လေတပ်ကတော့ နောက်ထပ် နာရီပိုင်းလောက်ထိ အသင့်အနေအထား တပ်လှန့်ပြီး အခြေအနေကို ဆက်စောင့်ကြည့်ခဲ့ပါတယ်။

နယ်စပ်နားထိ ချဉ်းကပ် ပျံသန်းလာတဲ့ မြောက်ကိုရီးယား စစ်လေယာဉ်တွေကြောင့် လိုအပ်တဲ့ အရေးပေါ် တုံ့ပြန်မှုတွေ လုပ်ဆောင်ခဲ့ကြောင်း တောင်ကိုရီးယား လေတပ်က အတည်ပြုခဲ့ပါတယ်။

မြောက်ကိုရီးယား လေယာဉ် တစ်ဒါဇင်ဟာ အောက်တိုဘာ ၆ ရက် ညနေပိုင်းမှာ အုပ်စုဖွဲ့ပြီး ကိုရီးယား နှစ်နိုင်ငံ နယ်နိမိတ် သတ်မှတ်ရာ လေပိုင်နက်နားထိ ရောက်ရှိခဲ့ပါတယ်။ တောင်ကိုရီးယား စစ်တပ်ရဲ့ ရေဒါမှာ မြောက်ကိုရီးယား တိုက်လေယာဉ် ၈ စီးနဲ့ ဗုံးကြဲလေယာဉ် ၄ စီးကို ထောက်လှမ်းမိခဲ့တဲ့နောက် လေတပ်က တိုက်လေယာဉ် အစီး ၃၀ ကို ချက်ချင်း ပျံတက်စေပြီး စောင့်ကြည့်ခဲ့ပါတယ်။

မြောက်ကိုရီးယား လေယာဉ်တချို့ဟာ တောင်ကိုရီးယားက သတ်မှတ်ထားတဲ့ အထူး စောင့်ကြည့်ထောက်လှမ်းရေး ဇုန်ထဲထိ ရောက်ရှိခဲ့ပေမယ့် တောင်ကိုရီးယား လေပိုင်နက်ကိုတော့ မကျူးကျော်ခဲ့ပါဘူး။ တောင်ကိုရီးယားဟာ F-15Kတွေ အပါအဝင် တိုက်လေယာဉ် အစီး ၃၀ ကို စေလွှတ်ပြီး မြောက်ကိုရီးယား လေယာဉ်တွေရဲ့ လှုပ်ရှားမှုကို စောင့်ကြည့်စေခဲ့ပါတယ်။ နှစ်ဖက် လေယာဉ်တွေ ဘယ်လောက်ထိ နီးနီးကပ်ကပ် ရှိခဲ့သလဲ ဆိုတာကိုတော့ မသိရပါဘူး။

နောက်ပိုင်းမှာတော့ မြောက်ကိုရီးယား လေယာဉ်တွေဟာ သရုပ်တူ ဗုံးကြဲလေ့ကျင့်မှု တစ်ခုကို ပြုလုပ်ပြီး လှည့်ပြန်သွားခဲ့ကြပါတယ်။ တောင်ကိုရီးယား လေတပ်ကတော့ နောက်ထပ် နာရီပိုင်းလောက်ထိ အသင့်အနေအထား တပ်လှန့်ပြီး အခြေအနေကို ဆက်စောင့်ကြည့်ခဲ့ပါတယ်။

ပြီးခဲ့တဲ့ နှစ်ပတ်အတွင်း ဒုံးကျည် ခြောက်စင်းထိ ဆက်တိုက် ပစ်လွှတ်ပြခဲ့အပြီး အခုလို စစ်လေယာဉ်တွေ အုံလိုက်ကျင်းလိုက် နယ်စပ်နားထိ စေလွှတ်ခဲ့တာဟာ မြောက်ကိုရီးယားရဲ့ နောက်ထပ် ရန်စမှု တစ်ခုအဖြစ် တောင်ကိုရီးယားက စွပ်စွဲပါတယ်။ အခြေအနေတွေ တင်းမာနေချိန် အတောအတွင်း တောင်ကိုရီးယားနဲ့ အမေရိကန် ရေတပ်တွေကလည်း ကိုရီးယား ကျွန်းဆွယ်နားမှာ အင်အားကြီးမားတဲ့ စစ်ရေးလေ့ကျင့်မှု အစီအစဉ် တစ်ခုကို စတင်နေကြောင်း သိရပါတယ်။

You May Also Like

နိုင်ငံတကာ

ကုလသမဂ္ဂ အတွင်းရေးမှူးချုပ်ရဲ့ စိတ်ပျက်စရာ သဘောထားကို သိမြင်လာရတဲ့အတွက် စိတ်မကောင်း ဖြစ်မိကြောင်း၊ အခုအခါမှာ ဂူတာရက်စ်ဟာ အိမ်ဖြူတော်၊ ဒါမှမဟုတ် အမေရိကန် နိုင်ငံခြားရေး ဝန်ကြီးဌာနရဲ့ အရာရှိ တစ်ဦးနဲ့တောင် ပိုပြီး ဆင်တူလာကြောင်း ချိုက ဆိုပါတယ်။

သတင်း

စစ်ကောင်စီ၏ အဓိကဝင်ငွေရလမ်းများအနက်တစ်ခုဖြစ်သော မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)ထံ တောင်ကိုရီးယား၏ POSCO နိုင်ငံတကာကုမ္ပဏီ ရွှေသဘာဝဓာတ်ငွေ့စီမံကိန်းက ငွေကြေးစီးဝင်နေဆဲဖြစ်ကြောင်း အထူးအစီရင်ခံစာတင်သွင်းသူက ထောက်ပြသည်။

သတင်း

တိုက်ပွဲဖြစ်ပွားမှုမရှိဘဲ နိုဝင်ဘာ ၂၀ရက် ညပိုင်းနှင့် ယနေ့(နိုဝင်ဘာ ၂၁ရက်)နံနက်ပိုင်းတွင် စစ်ကောင်စီတပ်က လေကြောင်းမှ တိုက်ခိုက်လာခြင်းဖြစ်သည်ဟုဆိုသည်။

နိုင်ငံတကာ

မြောက်ကိုရီးယားဟာ အခုနှစ်မကုန်ခင် နိုင်ငံရဲ့ သတ္တမမြောက် နျူကလီးယားလက်နက် စမ်းသပ်ဖောက်ခွဲမှုတစ်ခု ထပ်မံပြုလုပ်ဖို့ ကြံစည်နေကြောင်းလည်း အမေရိကန်နဲ့တောင်ကိုရီးယားတို့က စွပ်စွဲ ပြောဆိုထားပါတယ်။