Connect with us

Hi, what are you looking for?

LuduNwayOo

နိုင်ငံတကာ

တရုတ်ရဲ့ ရပ်ဝန်းတစ်ခု၊ လမ်းကြောင်းတစ်ခု စီးပွားရေး စီမံကိန်းကို တန်ပြန်ဖို့ G7 ရည်ရွယ်

တရုတ်ရဲ့ ရပ်ဝန်းတစ်ခု၊ လမ်းကြောင်းတစ်ခု မဟာ စီးပွားရေး စီမံကိန်းကြီးကို ယှဉ်ပြိုင်ဖို့ G7 အဖွဲ့ဝင် နိုင်ငံကြီးတွေက စီစဉ်ထားကြောင်း သိရပါတယ်။

အင်အားကြီး ဒီမိုကရေစီ နိုင်ငံကြီး ၇ ခု စုဖွဲ့ထားတဲ့ G7ရဲ့ ညီလာခံကို ဗြိတိန်နိုင်ငံမှာ ကျင်းပနေပါတယ်။ ဇွန် ၁၂ ရက်မှာတော့ G7ရဲ့ ခေါင်းဆောင်တွေက ဖွံ့ဖြိုးဆဲ နိုင်ငံငယ်တွေကို ကူညီပေးဖို့ ဒေါ်လာ ထရီလီယံနဲ့ချီ တန်ဖိုးရှိတဲ့ အခြေခံ အဆောက်အအုံ စီမံကိန်းတွေ ဖော်ဆောင်ရေးကိစ္စကို မူအားဖြင့် သဘောတူခဲ့ပါတယ်။

တရုတ် သမ္မတ စီကျင်းပင်ဟာ ရပ်ဝန်းတစ်ခု၊ လမ်းကြောင်းတစ်ခုဆိုတဲ့ စီမံကိန်းကို ဖော်ဆောင်ပြီး ဖွံ့ဖြိုးဆဲ နိုင်ငံတွေမှာ ပို့ဆောင်ဆက်သွယ်ရေး လမ်းကြောင်းနဲ့ အခြေခံ အဆောက်အအုံတွေ တည်ဆောက်ရေးအတွက် ရင်းနှီး မြှုပ်နှံသွားမယ်လို့ ကြေညာထားပါတယ်။ အခုတော့ G7ကလည်း တရုတ်ရဲ့ မဟာဗျူဟာ စီမံကိန်းကို တိုက်ရိုက်ကျကျ စိန်ခေါ်လာမယ့် သဘောမျိုး တွေ့ရပါတယ်။

တရုတ်ဟာ ပြီးခဲ့တဲ့ ဆယ်စုနှစ်တွေအတွင်း စီးပွားရေးရော၊ စစ်ရေးပါ အင်အား တောင့်တင်းလာတဲ့နောက် နိုင်ငံတကာ ဩဇာ ဖြန့်ကျက် လွှမ်းမိုးဖို့ ဘက်ပေါင်းစုံကနေ ကြိုးစားလာပါတယ်။ အမေရိကန်နဲ့ တခြား ဒီမိုကရေစီ နိုင်ငံကြီးတွေက ပိုမိုကောင်းမွန်သော ကမ္ဘာကို ပြန်လည် တည်ဆောက်ခြင်း (B3W)လို့ နာမည်ပေးထားတဲ့ စီမံကိန်းကို အကောင်အထည်ဖော်ပြီး တရုတ်ရဲ့ ခြေလှမ်းကို တန်ပြန်နိုင်ဖို့ မျှော်လင့်နေပါတယ်။

ဒီစီမံကိန်းဟာ ၂၀၃၅ ခုနှစ် မတိုင်ခင် ဖွံ့ဖြိုးဆဲ နိုင်ငံငယ်တွေရဲ့ အခြေခံ အဆောက်အအုံနဲ့ သယ်ယူပို့ဆောင်ရေး ကဏ္ဍတွေမှာ G7က စုစုပေါင်း ဒေါ်လာ ၄၀ ထရီလီယံလောက် မြှုပ်နှံဖို့ ရည်ရွယ်ထားတာပါ။ အမေရိကန် သမ္မတ ဂျိုးဘိုင်ဒန်ရဲ့ အစိုးရအဖွဲ့ ထိပ်တန်း အရာရှိ တစ်ဦးကတော့ B3Wဟာ တရုတ်ကို အားပြိုင်ဖို့တင် မကဘဲ G7 အဖွဲ့ဝင် နိုင်ငံတွေရဲ့ စီးပွားရေး လုပ်ထုံး လုပ်နည်းတွေနဲ့ စံနှုန်းတွေကို မြှင့်တင်ဖို့လည်း ဖြစ်တယ်လို့ မှတ်ချက် ပေးခဲ့ပါတယ်။

G7မှာ အမေရိကန်၊ ဗြိတိန်၊ ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်နဲ့ ဥရောပ သမဂ္ဂတို့ စုစည်းထားတာ ဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အခုအခါမှာ Lockheed Martin ကုမ္ပဏီဟာ ဒီသတ္တုစပ်ကို အစားထိုးဖို့ တခြားရင်းမြစ် လုပ်ငန်းတစ်ခုကို ရှာတွေ့ထားပြီလို့လည်း သိရပါတယ်။ ဒါကြောင့် ကုန်ကြမ်းထောက်ပံ့တဲ့ ကုမ္ပဏီ အပြောင်းအလဲ ဖြစ်ပြီးရင်တော့ အမေရိကန်က F-35တွေကို အရင် သဘောတူညီမှုအတိုင်း ပြန်မှာယူသွားမှာပါ။

သတင်း

အင်ယားကန်ဘောင်၏အရှေ့ဖက်နှင့်အနောက်ဘက်နေရာများသာ အများပြည်သူအတွက် ကျန်ရှိတော့၍ တော်လှန်လူငယ်များအတွက် အင်းယားကို ပြန်သိမ်းခြင်းဖြစ်သည်ဟုလည်း အသိ​ပေးသည်။

သတင်း

တစ်ချိန်တည်းတွင် ​ရန်ကုန်တွင်နွေဦးရိပ်မွန်နှင့်​နွေဦး​မော်ကွန်းသစ်အမည်ဖြင့်ပထမဆုံးအိမ်ယာစီမံကိန်းနှစ်ခုကို စက်တင်ဘာ ၁ရက်မှစတင်​ရောင်းချခဲ့သည်။ ​​

ဗီဒီယို

ထိုင်ဝမ်က ဒေါ်လာ ၁.၁ ဘီလီယံနဲ့ ဝယ်ယူဖို့ အဆိုပြုထားတဲ့ လက်နက်တွေထဲမှာ ကျွန်းနိုင်ငံဆီ ဦးတည်လာတဲ့ တိုက်ခိုက်မှုတွေကို ကြိုတင် ခြေရာခံ ထောက်လှမ်းနိုင်တဲ့ ရေဒါစနစ် တစ်ခုနဲ့ လေကြောင်း၊ ရေကြောင်း ကာကွယ်ရေး ဒုံးကျည်တွေ ပါဝင်နေပါတယ်။