ခွဲစိတ်မှု တစ်ခု ခံယူခဲ့ပြီးတဲ့နောက် ပုပ်ရဟန်းမင်းကြီးဟာ ကျန်းမာရေး ပြန်လည် တိုးတက်လာနေတယ်လို့ သိရပါတယ်။
သက်တော် ၈၄ နှစ် ရှိပြီဖြစ်တဲ့ ပုပ်ရဟန်းမင်းကြီး ဖရန်ဆစ်ဟာ အူလမ်းကြောင်း အစိတ်အပိုင်းတချို့ ဖယ်ရှားဖို့အတွက် ခွဲစိတ်မှု ခံယူခဲ့ရတာပါ။ အခုတော့ ရိုမန် ကက်သလစ် ခရစ်ယာန် ဘာသာရေး အထွဋ်အခေါင် ပုဂ္ဂိုလ်ကြီးရဲ့ ကျန်းမာရေး တိုးတက်လာနေသလို ကောင်းကောင်းကြီး သတိရနေပြီလို့ ဗာတီကန် နန်းတော်က ဇူလိုင် ၅ ရက်မှာ ကြေညာပါတယ်။
ပုပ်ရဟန်းမင်းကြီးကို ပညာရှင် ၁၀ ဦးပါ အဖွဲ့က ရောမမြို့မှာ ဇူလိုင် ၄ ရက်က ခွဲစိတ်ခဲ့တာ ဖြစ်ပါတယ်။ ခွဲစိတ်တဲ့ အော်ပရေးရှင်းက သုံးနာရီ ကြာမြင့်ခဲ့တယ်လို့ ဗာတီကန် နန်းတော် ပြောရေးဆိုခွင့်ရ အရာရှိ မက်တီယို ဘရူနီက ပြောကြားသွားပါတယ်။
ပုပ်ရဟန်းမင်းကြီးဟာ အရင်ကတည်းက ကျန်းမာရေး ပြဿနာတချို့ ရှိခဲ့ဖူးပေမယ့် ဆေးရုံတက် ခွဲစိတ်မှုနဲ့ ပတ်သက်လို့ ဗာတီကန် နန်းတော်က အသေးစိတ် ထုတ်ပြန် ကြေညာတာ အခုတစ်ကြိမ် ပထမဆုံး ဖြစ်ပါတယ်။
Public Service Announcement
