Connect with us

Hi, what are you looking for?

LuduNwayOo

နိုင်ငံတကာ

ရဟတ်ယာဉ် ၁ စီး၊ ကား ၄ စီးနဲ့ ငွေသားတွေတင်ပြီး အာဖဂန်က ထွက်ပြေးခဲ့တယ်ဆိုတဲ့ သမ္မတဟောင်း ဂါနီ

အာဖဂန် နစ္စတန် သမ္မတဟောင်း အက်ရှ်ရက်ဖ် ဂါနီဟာ ရဟတ်ယာဉ် ၁ စီး၊ ကား ၄ စီးနဲ့အပြည့် ငွေသားတွေ တင်ဆောင်ပြီး ပြည်ပကို ထွက်ပြေးသွားကြောင်း ရုရှား မီဒီယာတွေက ဖော်ပြခဲ့ပါတယ်။

ရုရှား အစိုးရပိုင် မီဒီယာ တစ်ခုဖြစ်တဲ့ RIA Novostiက အာဖဂန်ကို တာလီဘန် စစ်သွေးကြွတွေ သိမ်းပိုက်လိုက်တဲ့ အချိန်မှာ သမ္မတ ဂါနီက ဘယ်လို ဘယ်ပုံ လျှို့ဝှက် လွတ်မြောက်သွားသလဲ ဆိုတာကို ဖွင့်ချခဲ့တာပါ။ အာဖဂန်ကနေ အမေရိကန် တပ်ဖွဲ့တွေ ရုပ်သိမ်းသွားပြီး လပိုင်း အတွင်းမှာတင် တာလီဘန်တွေက ကဘူးလ် မြို့တော်ထိ ချီတက် သိမ်းပိုက် နိုင်ခဲ့ပါတယ်။

ကဘူးလ်မှာ ရှိနေတဲ့ ရုရှားသံရုံး တာဝန်ရှိသူ တစ်ဦးက ရှုပ်ထွေးတဲ့ အခြေအနေတွေအတွင်း ဂါနီ ဘယ်လို ထွက်ပြေးသွားသလဲ ဆိုတာက စိတ်ဝင်စားဖို့ကောင်းကြောင်း၊ ဂါနီရဲ့ လူယုံတော်တွေက ကား ၄ စီးနဲ့အပြည့် ငွေသားတွေ တင်ဆောင်ခဲ့ကြောင်း၊ ဒါ့အပြင် နောက်ထပ် ပိုနေတဲ့ ငွေစက္ကူတွေကိုလည်း ရဟတ်ယာဉ် တစ်စီးပေါ် အပြည့်အသိပ် တင်ဆောင် ယူသွားကြောင်း RIA Novostiကို ပြောကြားခဲ့ပါတယ်။

ဂါနီက သူဟာ ကဘူးလ်မှာ သွေးချောင်းစီး ဖြစ်ရပ်တွေ ကြုံမလာစေချင်လို့ ပြည်ပကို တိမ်းရှောင်သွားကြောင်း Facebookပေါ်မှာ ရေးသားထားပါတယ်။ ဂါနီဟာ အိမ်နီးချင်း တာဂျီကစ္စတန်၊ ဒါမှမဟုတ် ဥဇဘက်ကစ္စတန် နိုင်ငံတွေဆီ ရောက်ရှိနေတာ ဖြစ်နိုင်ကြောင်း ခန့်မှန်း သတင်းတွေ ထွက်ပေါ်နေပေမယ့် ဘယ်အစိုးရကမှ တရားဝင် အတည်ပြု ကြေညာထားတာမျိုး မရှိပါဘူး။

ရုရှား အစိုးရရဲ့ အာဖဂန် နိုင်ငံဆိုင်ရာ အထူးကိုယ်စားလှယ် ဇာမား ကာဘူလော့ဗ်ကတော့ ဂါနီ ထွက်ပြေးသွားပုံဟာ ရုပ်ပျက်ဆင်းပျက် နိုင်လွန်းတယ်လို့ ဝေဖန်ထားပါတယ်။ အမေရိကန်ဟာ အယ်လ်ကိုင်ဒါ အကြမ်းဖက် အဖွဲ့ကို ရှင်းလင်းဖို့အတွက် တာလီဘန်ကို ကျူးကျော် စစ်ပြုခဲ့ပြီး နှစ်ပေါင်း ၂၀ အကြာမှာ တပ်တွေ ပြန်လည် ရုပ်သိမ်းသွားခဲ့တာ ဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အခုနှစ် ကုလသမဂ္ဂကိုယ်စားလှယ်အကဲဖြတ်ရေးကော်မတီက အဖွဲ့ဝင်နိုင်ငံတွေရဲ့ ကိုယ်စားပြုခွင့်ကို ပြန်လည်ဆုံးဖြတ်ပေးရဖို့ ရှိနေပြီး မြန်မာနိုင်ငံကိုယ်စားပြုခွင့်နဲ့ပတ်သက်လို့ ဘယ်လိုဆက်ဖြစ်မလဲဆိုတာစောင့်ကြည့်ရဦးမှာပါ။

နိုင်ငံတကာ

လတ်တလောမှာတော့ ပါကစ္စတန် စစ်တပ်ဟာ ရဟတ်ယာဉ် ပျက်ကျရာ နေရာက ရုပ်အလောင်းတွေကို ပြန်သယ်ဆောင်ဖို့ စီစဉ်နေပြီး ရဟတ်ယာဉ် ပျက်ကျရတဲ့ အကြောင်းရင်းကို စုံစမ်းစစ်ဆေးမှုတွေ စတင်နေပါပြီ။

သတင်း

လတ်တလောတွင် ဒီပဲယင်းနယ်၌ ထူးခြားဖြစ်စဉ်မရှိဘဲ စစ်ကောင်စီတပ်က လေကြောင်းမှ စစ်အင်အားပို့ဆောင်ကာ ထိုးစစ်ဆင်ရန်လာခြင်းဖြစ်သည်ဟု ဒေသခံက ပြောသည်။

ဗီဒီယို

အာဖဂန်ဟာ စစ်ပွဲတွေရဲ့ဒဏ်ကို ဆယ်စုနှစ်တွေနဲ့ချီ သက်ရောက် ခံစားခဲ့ရတဲ့ နိုင်ငံ တစ်ခုဖြစ်ပြီး မပေါက်ကွဲသေးတဲ့ စစ်လက်နက် ပစ္စည်း အကြွင်းအကျန် အစအနတွေ အမြောက်အမြားက လူနေ ဧရိယာတွေနဲ့ မနီးမဝေးမှာ ကြွင်းကျန်နေဆဲပါ။