Connect with us

Hi, what are you looking for?

LuduNwayOo

နိုင်ငံတကာ

Covid-19 ကင်းစင် နိုင်ငံတွေ စာရင်းမှာ မပါတော့တဲ့ ကျွန်းနိုင်ငံလေး ပါလာအူ

အခုဆိုရင် Covid-19 ကင်းစင်နယ်မြေတွေ စာရင်းမှာ ပါလာအူ မပါတော့ဘဲ နောက်ထပ် ၁၃ နိုင်ငံသာ ကျန်ပါတော့တယ်။ အများစုကတော့ ပို့ဆောင် ဆက်သွယ်ရေး ခက်ခဲပြီး တသီးတခြား ရှိနေတဲ့ ကျွန်းနိုင်ငံငယ်လေးတွေပါ။

ကျွန်းနိုင်ငံငယ်လေး ပါလာအူရဲ့ Covid-19 ကင်းစင်နယ်မြေအဖြစ် ရပ်တည်နေမှုဟာ အဆုံးသတ်သွားခဲ့ပြီ ဖြစ်ပါတယ်။

ဩဂုတ် ၂၁ ရက်က ပါလာအူမှာ ပထမဆုံးအကြိမ် ကပ်ရောဂါ ကူးစက်မှုတွေ စတင် တွေ့ရှိခဲ့ကြောင်း ကျန်းမာရေး ဝန်ကြီးဌာနက အတည်ပြု ကြေညာခဲ့ပါတယ်။ ပစိဖိတ် သမုဒ္ဒရာထဲက ကျွန်းနိုင်ငံငယ်လေးဟာ ကပ်ရောဂါဂယက် စတင်လာချိန် ကတည်းက ရောဂါကူးစက်မှု လုံးဝ မရှိခဲ့တဲ့ ရှားရှားပါးပါး နိုင်ငံငယ်တွေထဲက တစ်ခုပါ။

ဂူအမ်ကနေ ရောက်ရှိလာတဲ့ ခရီးသည် နှစ်ယောက်ကို ဆေးစစ်ကြည့်ရာမှာ Positive အဖြေ ထွက်ပေါ်ခဲ့တယ်လို့ ကျန်းမာရေး ဝန်ကြီးဌာနက ထုတ်ပြန်ပါတယ်။ အခုတော့ သူတို့နှစ်ဦးရော၊ အနီးကပ် ထိတွေ့မှု ရှိခဲ့သူ အားလုံးကိုပါ Quarantine ဝင်ဖို့ ညွှန်ကြားထားကြောင်းလည်း ကြေညာချက်မှာ ထည့်သွင်း ဖော်ပြထားပါတယ်။

ပါလာအူရဲ့ လူဦးရေ ၁၈၀၀၀ လောက်သာရှိပြီး ၈၀ ရာခိုင်နှုန်းကျော်ထိ ကာကွယ်ဆေး နှစ်ကြိမ် ထိုးထားပြီးပါပြီ။ သမ္မတ ဆူရန်ဂဲလ် ဝှစ်ပ်စ်ကတော့ ပြည်သူတွေ အနေနဲ့ အလွန်အကျွံ စိုးရိမ်စရာ မလိုကြောင်း ပြောပါတယ်။ ပါလာအူဟာ Covid-19 ကင်းစင်နယ်မြေ မဟုတ်တော့ဘူး ဆိုရင်တောင် Covid-19နဲ့ ပတ်သက်ရင် ဘေးကင်းတဲ့ နိုင်ငံတစ်ခုအဖြစ် ဆက်ရှိနေမယ်လို့ သမ္မတက ဆိုပါတယ်။

Public Service Announcement

Public Service Announcement

အခုဆိုရင် Covid-19 ကင်းစင်နယ်မြေတွေ စာရင်းမှာ ပါလာအူ မပါတော့ဘဲ နောက်ထပ် ၁၃ နိုင်ငံသာ ကျန်ပါတော့တယ်။ အများစုကတော့ ပို့ဆောင် ဆက်သွယ်ရေး ခက်ခဲပြီး တသီးတခြား ရှိနေတဲ့ ကျွန်းနိုင်ငံငယ်လေးတွေပါ။

လက်ရှိ အချိန်ထိ ကမ္ဘာတလွှားမှာ Covid-19 ရောဂါ ကူးစက်ခံရသူ ၂၁၁ သန်းကျော် ရှိလာပြီး သေဆုံးသူ အရေအတွက်ကတော့ ၄.၄ သန်းကျော်ထိ များပြားနေပြီ ဖြစ်ပါတယ်။

ဆက်စပ်သတင်းများ

ဆောင်းပါး

လုံခြုံရေးအခြေနေအရ တစ်မြို့ကနေအခြားတစ်မြို့ဆီ ပြောင်းရွှေ့ဖူးတာတော့ ရှိတယ်။ ဒါပေမဲ့ ခရီးသွားသက်သက် အနေနဲ့ ဘယ်မှ မထွက်ဖြစ်ခဲ့ဘူး။ ခုမှ မိသားစုကိစ္စနဲ့ ခရီးတစ်ခုသွားဖို့ ကြုံလာတာ။ မြို့တော်ရန်ကုန်ကနေတွက်ရင် မိုင် ၂၅၀ လောက်ဝေးတဲ့ ခရီးဆိုပါတော့။

နိုင်ငံတကာ

၂၀၂၁ ခုနှစ်၊ ဇန်နဝါရီလတုန်းက ကပ်ရောဂါကြောင့် သေဆုံးသူ အရေအတွက်ဟာ အပတ်စဉ် ၁ သိန်းကျော်ထိ ရှိခဲ့ပြီး အမြင့်ဆုံး အဆင့်ကို ရောက်ခဲ့ပါတယ်။ ဒါပေမဲ့ အခုနှစ် ဧပြီလ ၂၄ ရက်ထိ အခြေအနေအရ အပတ်စဉ် သေဆုံးသူ ဦးရေဟာ ၃၅၀၀ အောက်ထိ...

နိုင်ငံတကာ

ကိုဗစ်ရောဂါ ဖြစ်ပွားခဲ့ကြောင်း အထောက်အထား တွေ့ရှိခဲ့တဲ့ အာခေါင်တို့ဖတ် နမူနာကို ဟွာနန်း ပင်လယ်စာ စျေးထဲက တွန်းလှည်းတစ်ခုနဲ့ ရက်ကွန်းဝံ တစ်ကောင်စီကနေ စုဆောင်း ရရှိခဲ့တာလို့လည်း သိရပါတယ်။

နိုင်ငံတကာ

PSCက တရုတ်ဟာ ကပ်ရောဂါအပေါ် အောင်ပွဲရယူ ကျော်လွှားနိုင်ခဲ့ပြီလို့ ပြောပေမယ့် ကပ်ရောဂါဆိုး ဖြစ်ပွားစေတဲ့ ကိုရိုနာဗိုင်းရပ်စ်ရဲ့ တကျော့ပြန် ခေါင်းထောင်လာနိုင်ခြေတွေအပေါ် လျှော့မတွက်ဖို့တော့ ပြည်သူတွေကို အလေးအနက် သတိပေးထားပါတယ်။