Connect with us

Hi, what are you looking for?

သတင်း

နတ်တလင်းမြို့နယ်တွင် ကင်းလှည့်စစ်ကောင်စီတပ်သားများ တိုက်ခိုက်ခံရ

တိုက်ခိုက်မှုအတွင်း ဆိုင်ကယ်သုံးစီးမိုင်းထိမှန်ပျက်စီးသွားပြီး စစ်ကောင်စီတပ်သားနှစ်ဦး နေရာတွင် ပွဲချင်းပြီးသေဆုံးကာ အခြားထိခိုက် ဒဏ်ရာရသူများလည်းရှိကြောင်း နတ် စစ်သည် တပ်ခွဲမှူးက ပြောသည်။

(နတ်စစ်သည်တပ်ခွဲမှ ရဲဘော်အချို့အား ရှေ့တန်းတနေရာတွင် တွေ့ရစဥ်။ ဓာတ်ပုံ - File)
(နတ်စစ်သည်တပ်ခွဲမှ ရဲဘော်အချို့အား ရှေ့တန်းတနေရာတွင် တွေ့ရစဥ်။ ဓာတ်ပုံ - File)

ကျော်ဇော/People’s Spring

ပဲခူးတိုင်း၊ နတ်တလင်းမြို့နယ်တွင် ဆိုင်ကယ်များဖြင့် ကင်းလှည့်ထွက်လာသည့် စစ်ကောင်စီတပ်သားများအား ဆွဲမိုင်းအပါအဝင် လက်နက်ငယ်များဖြင့်ပါ ပစ်ခတ်တိုက်ခိုက်ခဲ့ကြောင်း သာယာဝတီခရိုင် PDF တပ်ရင်း ၃၈၀၁၊ တပ်ခွဲ ၃ နတ်စစ်သည်တပ်ခွဲမှ တပ်ခွဲမှူးက ပြောသည်။

ယမန်နေ့(ဒီဇင်ဘာလ ၁၂)ညနေ ၅နာရီခွဲခန့်က နတ်တလင်းမြို့နယ်၊ လယ်မအင်းကျေးရွာအနီးသို့ ဆိုင်ကယ်ခုနစ်စီးဖြင့် ကင်းပတ်လာသော စစ်ကောင်စီတပ်သားများကို မိုင်းဆွဲတိုက်ခိုက်ခဲ့ခြင်း ဖြစ်သည်။

တိုက်ခိုက်မှုအတွင်း ဆိုင်ကယ်သုံးစီးမိုင်းထိမှန်ပျက်စီးသွားပြီး စစ်ကောင်စီတပ်သားနှစ်ဦး နေရာတွင် ပွဲချင်းပြီးသေဆုံးကာ အခြားထိခိုက် ဒဏ်ရာရသူများလည်းရှိကြောင်း နတ် စစ်သည် တပ်ခွဲမှူးက ပြောသည်။

Public Service Announcement

Public Service Announcement

“စကစ နှစ်ယောက်ပွဲချင်းပြီး သေပါတယ်။ အလောင်းနဲ့ဆိုင်ကယ်ကိုတော့ ဖောကားနဲ့ (နတ်တလင်း)မြို့ဘက် ပြန်သယ်သွားပါပြီ”ဟု ၎င်းက ရှင်းပြသည်။

ဆိုင်ကယ်ခုနစ်စီး အင်အား ၁၄ ဦးဖြင့် လှည့်ကင်းပတ်လာသော စစ်ကောင်စီတပ်သားများသည် ဒမငယ်ကျေးရွာရှိ စစ်ကောင်စီတပ်အထိုင်စခန်းမှ တပ်သားများဖြစ်ကြောင်း စုံစမ်းသိရသည်။

အဆိုပါ ဒမငယ်စစ်တပ်စခန်းမှ စစ်ကောင်စီတပ်သားများသည် နတ်တလင်းမြို့နယ် ဆီဆုံကုန်းကျေးရွာဘက်သို့ လက်နက်ကြီးပစ်ခတ် ခြင်း၊ ဒရုန်းဖြင့်ဗုံးသီးချတိုက်ခိုက်ခြင်းများလုပ်ဆောင်ခဲ့ရာ အမျိုးသမီးတစ်ဦးသေဆုံး၍ ကလေးငယ်အပါအဝင် ပြည်သူရှစ်ဦးခန့် ထိခိုက်ဒဏ်ရာများရခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook