စက်တင်ဘာ – ၂၉ ၊၂၀၂၅ ၊ နိုင်ပကောင်း/People’s Spring
အာဏာသိမ်းစစ်ကောင်စီရဲ့ ရွေးကောက်ပွဲဟာ ကရင်ပြည်နယ် နဲ့လူထုရဲ့ ဘဝကို အေးချမ်းတည်ငြိမ်အောင် ဖန်တီးပေးနိုင်မယ်လို့ယူဆတဲ့အတွက်ဆိုပြီး ရွေးကောက်ပွဲကိုကာကွယ်ပေးသွားမယ်လို့ ကရင့်လက်နက်ကိုင်အဖွဲ့ သုံးဖွဲ့က ပူးတွဲသဘောထားကြေညာချက် ထုတ်ပြန်ပါတယ်။
ကရင်နယ်ခြားစောင့်တပ်(BGF)၊ ကရင်ငြိမ်းချမ်းရေကောင်စီ(KNU/KNLA PC)နဲ့ ဒီမိုကရေစီအကျိုးပြုကရင်တပ်မတော်(DKBA) အဖွဲ့သုံးဖွဲ့က ထိပ်ပိုင်းခေါင်းဆောင်တွေ မနေ့ စက်တင်ဘာလ ၂၈ ရက်မှာ မြဝတီမြို့နယ် ရှိ BGF အမှတ်(၂)
တပ်နယ်ဌာနချုပ် ဖြစ်တဲ့ သေ့ကတေကျေးရွာမှာ တွေ့ဆုံပွဲပြုလုပ်ပြီးနောက် ပူးတွဲ ကြေညာချက်ထုတ်လာတာပါ။
Public Service Announcement
အဲဒီသုံးဖွဲ့မှာ BGF ကစစ်တပ်လက်အောက်ခံဖြစ်ပြီး DKBA နဲ့ KNU/KNLA PC တို့က တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူ စာချုပ် လက်မှတ်ထိုးထားတဲ့အဖွဲ့တွေဖြစ်ပါတယ်။
ပူးတွဲကြေညာချက်မှာတော့ စစ်ကောင်စီရဲ့ ရွေးကောက်ပွဲက နိုင်ငံတည်ငြိမ်းရေးနဲ့ ဖွံ့ဖြိုးရေးကိုဖော်ဆောင်နိုင်လိမ့်မယ်လို့ ဆိုထားပါတယ်။
ရွေးကောက်ပွဲ မထိခိုက်အောင်လည်း ကာကွယ်စောင့်ရှောက်သွားမယ်လို့ ကြေညာချက်မှာဆိုထားပါတယ်။
လက်ရှိ ကရင်ပြည်နယ်ထဲ ကတိုက်ပွဲတွေမှာ စစ်ကောင်စီတပ်နဲ့အတူ ကရင်နယ်ခြားစောင့်တပ်(BGF) တပ်ဖွဲ့ဝင်တွေ ပါဝင်ကူညီတိုက်ခိုက်ပေးနေတယ်လို့ တော်လှန်ရေးသတင်းရင်းမြစ်အချို့ရဲ့ ပြောပြချက်အရ သိရပါတယ်။
ကရင်ပြည်နယ်မှာ အင်အားအကောင်းဆုံးနဲ့ ခေတ်အဆက်ဆက်ပြည်သူနဲ့အတူရပ်တည်ပြီး စစ်အာဏာရှင်တွေကို တော်လှန်ခဲ့တဲ့ ကရင်အမျိုး
သားအစည်းအရုံး (KNU) ဥက္ကဌက စစ်တပ်ရွေးကောက်ပွဲ မကျင်းပနိုင်အောင် အမျိုးသားရေးတာဝန်တစ်ရပ်အနေနဲ့ ကရင်လူမျိုးတိုင်းကဆောင်ရွက်ကြရမယ်လို့ပြောကြားထားပါတယ်။ဒါအပြင် KNU ရဲ့ တပ်မဟာအသီးသီးကလည်း စိုးမိုးဒေသတွေမှာ စစ်တပ်ရွေးကောက်ပွဲကျင်းပခွင့်မပြုကြောင်းထုတ်ပြန်ထားပါတယ် ။
