ဇန်နဝါရီ – ၂၅ ၊၂၀၂၆ ၊ ဆိုင်းမင်း /People’s Spring
အာဏာသိမ်းစစ်ကောင်စီရဲ့ အောက်ခြေအုပ်ချုပ်ရေးပိုင်းက ဒီနေ့ (ဇန်န ဝါရီလ ၂၅ ရက်)မှာကျင်းပတဲ့ရွေးကောက်ပွဲအပိုင်း(၃)မှာ ပါဝင်တဲ့ မန္တလေးက မြို့ နယ်နှစ်ခုမှာ ပျံကျစျေးတွေ အပါအဝင် လမ်းဘေး စျေးဆိုင်တွေကို ပိတ်ခိုင်းခဲ့တယ်လို့မြို့ခံအချို့ဆီကသိရပါတယ်။
ချမ်းမြသာစည်နဲ့ ပုသိမ်ကြီးမြို့နယ် ထဲကပျံကျစျေးတွေ၊လမ်းဘေးစျေးဆိုင်တွေ ကို ရွေးကောက်ပွဲမတိုင်ခင်နဲ့ရွေးကောက်ပွဲရက်နှစ်ရက်တာ ပိတ်ခိုင်းခဲ့တာပါ။
လမ်းဘေးမှာ ဗန်းခင်းရောင်းချတဲ့ ပျံကျစျေးသည်တွေ စျေးရောင်းတာ နှစ်ရက်နားထားရမှာဖြစ်ပြီးမလိုက်နာရင်အရေးယူမယ်ဆိုတာခြိမ်း ခြောက်ထားတာလို့ မြို့ခံအချို့က အသိပေးပါတယ်။
Public Service Announcement
မန္တလေးမြို့ပေါ်မှာလည်းရွေးကောက်ပွဲအပိုင်း(၃)မတိုင်ခင်တစ်ပတ်လောက်အလိုကတည်းက လမ်းတွေမှာ လုံခြုံရေး အင်အားတိုးချပြီး တားဆီးစစ်ဆေးတာတွေ ပြုလုပ်ခဲ့ပါတယ်။
ဒီနေ့ကျင်းပတဲ့ ရွေးကောက်ပွဲအပိုင်း (၃)မှာ မန္တလေးတိုင်းက ချမ်းမြသာစည် ၊ ပုသိမ်ကြီး ၊ မြစ်သား ၊ တောင်သာ ၊ မလှိုင် ၊ မြင်းခြံ ၊ ငါန်းဇွန်နဲ့ သပိတ်ကျင်းမြို့နယ်တို့ပါဝင်ပါတယ်။
ပြီးခဲ့တဲ့ ဒီဇင်ဘာလဆန်းပိုင်းက ဆန္ဒပြပွဲ ဖြစ်ခဲ့တဲ့ စျေးချိုအနီးက စျေးတန်းကို စစ်ကောင်စီလက်အောက်ခံ စည်ပင်က ဖျက်ဆီးပုံ
ဓာတ်ပုံ – စစ်ကောင်စီ
