Connect with us

Hi, what are you looking for?

နိုင်ငံတကာ

တိုကျိုမှာ မူကြိုကျောင်းမီးလောင်၊ ကလေးတွေ အပါအဝင် လူ ၃၀၀ ကျော်ကို အရေးပေါ် ရွှေ့ပြောင်းပေးခဲ့ရ

ဂျပန်နိုင်ငံ၊ တိုကျိုမြို့တော်မှာ မူကြိုကျောင်းတစ်ခု မီးလောင်မှု ဖြစ်ပွားခဲ့ပြီး ကလေးတွေနဲ့ ဆရာ ဆရာမ စုစုပေါင်း လူ ၃၀၀ ကျော်ကို ဘေးလွတ်ရာ ရွှေ့ပြောင်းပေးခဲ့ရပါတယ်။

ဓာတ်ပုံ - Reuters

ဂျပန်နိုင်ငံ၊ တိုကျိုမြို့တော်မှာ မူကြိုကျောင်းတစ်ခု မီးလောင်မှု ဖြစ်ပွားခဲ့ပြီး ကလေးတွေနဲ့ ဆရာ ဆရာမ စုစုပေါင်း လူ ၃၀၀ ကျော်ကို ဘေးလွတ်ရာ ရွှေ့ပြောင်းပေးခဲ့ရပါတယ်။

ကီတာ ရပ်ကွက်မှာရှိတဲ့ ကျောင်းအဆောက်အအုံမှာ ဇွန်လ ၁၉ ရက် မနက်ပိုင်းက မီးလောင်မှု ဖြစ်ခဲ့တာလို့ တိုကျို မီးသတ်ဌာနက ထုတ်ပြန်ခဲ့ပါတယ်။ မီးကို မငြှိမ်းသတ်ခင်မှာတော့ စတုတ္ထထပ်က စတုရန်းမီတာ ၂၀၀ လောက်က လောင်ကျွမ်းပျက်စီးသွားခဲ့ပါတယ်။

မီးစလောင်ချိန်တုန်းက ကျောင်းဝင်းထဲမှာ ကလေးတွေနဲ့ ဆရာဆရာမ ၃၃၀ နီးပါးလောက်ထိ ရှိနေခဲ့ပါတယ်။ ကယ်ဆယ်ရေး အဖွဲ့တွေဟာ မီးခိုးမွှန်နေသူ ၁၀ ယောက်လောက်ကို ကူညီကုသပေးခဲ့ရပေမယ့် အသက်အန္တရာယ် စိုးရိမ်ရသူတော့ တစ်ဦးမှ မရှိဘူးလို့ အတည်ပြုခဲ့ပါတယ်။

မီးလောင်တဲ့အခါ တချို့ကျောင်းသားတွေဟာ အဆောက်အအုံ ခေါင်မိုးပေါ်မှာ သွားရောက် တိမ်းရှောင်နေခဲ့ကြပါတယ်။ မီးငြှိမ်းသတ်နေချိန် အတောအတွင်း ကျောင်းထဲမှာ ပိတ်မိနေသူတွေ ရှိခဲ့ပေမယ့် နေ့လယ်ပိုင်းမှာ အားလုံးကို ဘေးကင်းကင်းနဲ့ ရွှေ့ပြောင်းပေးခဲ့ပြီးဖြစ်ကြောင်း မီးသတ်တပ်ဖွဲ့က အတည်ပြုခဲ့ပါတယ်။

Public Service Announcement

Public Service Announcement

လူမှုကွန်ရက်ပေါ် ပျံ့နှံ့လာတဲ့ ဗီဒီယိုတွေထဲမှာတော့ မီးလောင်နေချိန်အတွင်း ကျောင်းဆောင် စတုတ္ထထပ်ကနေ မည်းနက်တဲ့ မီးခိုးလုံးတွေ အူထွက်နေပြီး မီးသတ်ကားတွေလည်း ကျောင်းဝင်းထဲ တဖွဲဖွဲ ရောက်လာနေတာကို တွေ့ခဲ့ရပါတယ်။ မီးငြှိမ်းသတ်နေချိန် အတောအတွင်း ကလေးတွေနဲ့ ဆရာဆရာမတွေကိုတော့ အနီးမှာရှိတဲ့ ပန်းခြံတစ်ခုဆီကို ရွှေ့ပြောင်းပေးထားခဲ့ရပါတယ်။

ကနဦး စုံစမ်းမှုတွေအရ Grade 5 ကျောင်းသားလေးတွေက ဂီတအတန်း တက်နေတဲ့ အချိန် ဘေးကပ်လျက် အခန်းကနေ စတင်မီးလောင်ခဲ့တာလို့ သိရပါတယ်။ မီးလောင်မှု ဖြစ်ပွားရတဲ့ အကြောင်းရင်းကိုတော့ ဆက်လက် စစ်ဆေးနေဆဲ ဖြစ်ပါတယ်။

ကိုးကား: Independent

ဆက်စပ်သတင်းများ

နိုင်ငံတကာ

တရုတ်နိုင်ငံ မြောက်ပိုင်းက စီးပွားရေး လုပ်ငန်းသုံး တိုက်တစ်လုံးမှာ မီးလောင်မှုကြောင့် ၁၄ ဦးထက်မနည်း သေဆုံးခဲ့ကြောင်း သိရပါတယ်။

သတင်း

မန္တလေးမြို့၊ မဟာအောင်မြေမြို့နယ်က သမိုင်းဝင် စီးတော်မြင်းဝန်ကျောင်း မီးလောင်ကျွမ်းမှုဖြစ်ပွားပြီး သံဃာ ၂ ပါး ဒဏ်ရာရကာ ကျောင်းအဆောင်တွေနဲ့ ကား ၃ စီးထက်မနည်း မီးလောင်ပျက်စီးခဲ့ပါတယ်။

နိုင်ငံတကာ

ပြည်တွင်းမှာ ဒုံးကျည်တွေ ပူးပေါင်းတည်ဆောက် ထုတ်လုပ်သွားဖို့ အမေရိကန်နဲ့ ဂျပန်တို့ကြား သဘောတူညီမှု ရရှိခဲ့ကြောင်း ဂျပန် ကာကွယ်ရေး ဝန်ကြီးက အတည်ပြုခဲ့ပါတယ်။

ဆောင်းပါး

စစ်တပ် အာဏာသိမ်းထားတဲ့ကာလထဲမှာပဲ ၆ ကြိမ်မြောက် သီတင်းကျွတ်ကာလ ရောက်ရှိခဲ့ပါပြီ။ ဒီနှစ်မှာ မန္တလေး၊ ပြင်ဦးလွင်၊ တောင်ကြီး၊ အင်းလေး၊ ကလော၊ ပုဂံညောင်ဦး၊ ကျိုက်ထီးရိုးနဲ့ ပင်လယ်ကမ်းခြေဒေသတွေမှာ ပြည်တွင်း ခရီးသွားတွေ များပြားခဲ့တယ်လို့ သိရပါတယ်။ အသွားအလာ များကြသလို ယာဉ်တိုက်မှုတွေလည်း ဖြစ်ပွားခဲ့ပြီး ထိခိုက်...