ဇူလိုင်-၁၊၂၀၂၆။ဇေအောင်/People’s Spring
စစ်ကိုင်းတိုင်း၊ မုံရွာမြို့နယ်က စစ်ကိုင်းတိုင်း၊ ပြည်သူ့လုံခြုံရေးအဖွဲ့(ပလဖ) စခန်းစီးနင်းခံရမှုအပါအဝင် ဖြစ်စဥ် ၂ ခုမှာ ပလဖတာဝန်ခံနဲ့ ပြည်သူ ၃ ဦးအပါအဝင် ၈ ဦးသေဆုံးခဲ့ကြောင်း မုံရွာမြို့နယ်ပြည်သူ့ကာကွယ်ရေးအဖွဲ့က သတင်းထုတ်ပြန်ပါတယ်။
ဇွန်လ ၂၉ ရက်နေ့က မုံရွာမြို့နယ် ပြည်သူ့လုံခြုံရေးအဖွဲ့ရဲ့ စခန်းငယ် နှစ်နေရာကို လက်နက်ကိုင်အဖွဲ့တွေက ဝင်ရောက်ပစ်ခတ်စီးနင်းခဲ့ရာ မြို့နယ်ပလဖတာဝန်ခံအပါအဝင်ရဲဘော် ၅ ဦးနဲ့ ပြည်သူ ၁ ဦး သေဆုံးခဲ့ကြောင်း မုံရွာမြို့နယ်ပြည်သူ့ကာကွယ်ရေးအဖွဲ့က ဇူလိုင် ၁ ရက်မှာ ထုတ်ပြန်ပါတယ်။
ဒါ့အပြင် မြို့နယ်ပလဖ ရဲဘော်တွေ ရှိနေတဲ့ စားသောက်ဆိုင်တစ်ဆိုင်ကိုလည်း လက်နက်ကိုင်အဖွဲ့တွေက ဝင်ရောက်ပစ်ခတ်စီးနင်းခဲ့ရာ ပြည်သူ ၂ ဦး သေဆုံးခဲ့တဲ့ ဖြစ်စဉ်တွေ ဖြစ်ပွားခဲ့ကြောင်း မုံရွာပကဖအဖွဲ့က ထပ်မံအသိပေးပါတယ်။
Public Service Announcement
အဲဒီ ဖြစ်စဉ်တွေမှာ မုံရွာမြို့နယ်ပြည်သူ့ကာကွယ်ရေးအဖွဲ့ (မုံရွာပကဖ )အနေနဲ့ ပါဝင်ပတ်သက်မှု မရှိကြောင်း၊ မီဲဒီယာအချို့နဲ့ လူသိများ တော်လှန်ရေးပုဂ္ဂိုလ်တွေရဲ့ လူမှုကွန်ရက်စာမျက်နှာတွေမှာ အဆိုပါပစ်ခတ်မှု ကျူးလွန်သူတွေထဲ မြို့နယ်ပကဖက ပါဝင်သယောင် ဖော်ပြထားလို့ ထုတ်ပြန်ရတာဖြစ်ပြီး မီဒီယာမေးမြန်းမှုတွေလည်း ဖြေကြားမှာ မဟုတ်ဘူးလို့ မုံရွာမြို့နယ်ပြည်သူ့ကာကွယ်ရေးအဖွဲ့က သတင်းထုတ်ပြန်ပါတယ်။
အဆိုပါ ဖြစ်စဥ်ဖြစ်ပွားပြီးနောက်ပိုင်း မုံရွာနယ်အခြေစိုက် တပ်ရင်းတပ်ဖွဲ့တွေက ထိုဖြစ်စဥ်မှာ မပါဝင်ကြောင်း ကြေညာချက်တွေ အသီးသီးထုတ်ပြန်နေကြပါတယ်။
အခုရက်ပိုင်းအတွင်းတော်လှန်ရေးတပ်ဖွဲ့ကြား လက်နက်ကိုင်အင်အားသုံးဖြေရှင်းနေမှုတွေအပေါ် ပြည်သူအများစုက ဝေဖန်နေကြပါတယ်။ ဒါ့အပြင် အခုလိုဖြစ်ရပ်တွေက နွေဦးတော်လှန်ရေးတစ်စုံလုံးအပေါ်ထိခိုက်မှာကိုလည်းပြည်သူတွေက စိုးရိမ်နေကြပါတယ်။
“ဖြစ်စေချင်တာက ပူပေါင်းတိုက်သည်ဖြစ်ဖြစ်၊ မပူးပေါင်းပဲတိုက်သည်ဖြစ်ဖြစ် စစ်တပ်ကိုတိုက်ဖို့အတွက်ပဲလေ။ အခုက ဆရာများသားသေ ဖြစ်နေတာ။ သူတို့အချင်းချင်းတောင်ဒီလိုတွေ ဖြစ်နေမှတော့ စစ်တပ်ကိုဘယ်အားနဲ့သွားတိုက်တော့မှာလဲ”လို့ မုံရွာမြို့နယ်က ဒေသခံတစ်ဦးက ပြောပါတယ်။
မုံရွာမြို့နယ်ပလဖစခန်းကို မုံရွာခရိုင်တပ်ရင်း (၄) ၊(၂၂)၊ (၂၃)၊ (၂၅) နဲ့ (၂၈) တို့ကဇွန်လ၂၉ရက်ညနေသုံးနာရီခန့်မှာ ဝင်ရောက်စီးနင်းခဲ့တာလို့ ဒေသခံသတင်းရင်းမြစ်ကပြောပါတယ်။မုံရွာခရိုင် တပ်ရင်း (၄)၊( ၂၂) ၊(၂၃) ၊ (၂၅) ၊(၂၈) တို့ ကို 5+ တပ်ရင်းလို့ လည်းခေါ်ကြပြီး တပ်ရင်း ငါးခုပေါင်းထားတာလို့သိရပါတယ် ။
အားကူဟာ ၂၀၂၃ သြဂုတ်လက မုံရွာမြို့ပေါ်မှာ ဖြစ်ပွားခဲ့တဲ့ ဓားပြတိုက်မှုမှာ ကျူးလွန်သူတွေကိုဖမ်းဆီးစစ်ဆေးတာကို လူမှုကွန်ရက်ပေါ်မှာ Live လွှင့်ခဲ့တဲ့အတွက် ဝေဖန်ခံခဲ့ရဖူးပါတယ်။
“ဒီကိစ္စကို စစ်ရုံးချုပ်က ကိုင်တွယ်နေပါပြီ။ လိုအပ်တဲ့ စုံစမ်းစစ်ဆေးအရေးယူမှုတွေ လုပ်သွားမှာဖြစ်ပါတယ်။အဆင့်ဆင့်သော စစ်ဌာနတွေရဲ့ညွှန်ကြားချက်နဲ့ လုပ်ဆောင်တာမ
ဟုတ်ဘူးလို့ ကနဦးသိထားပါတယ်” လို့ NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်ကလူထုနွေဦးကို ပြောပါတယ် ။
