ဇူလိုင် – ၃ ၊၂၀၂၆ ၊နိုင်ပကောင်း /People’s Spring
ထိုင်း -မြန်မာနယ်စပ်မြို့၊ဘုရားသုံးဆူဒေသမှာတည်ရှိတဲ့ကရင်အမျိုး သားအစည်းအရုံး(KNU) ရဲ့အကျဉ်းထောင်ကနေပြီးခဲ့တဲ့ရက်ပိုင်း ဇူလိုင် လ ၁ ရက်ကအကျဉ်းသားခြောက်ဦးအကျဉ်းထောင်လုံခြုံရေးအစောင့်တွေဆီကနေလက်နက်တွေလုယူပြီးထွက်ပြေးသွားကြတယ်လို့ KNU တပ်မဟာ(၆)နဲ့နီးစပ်တဲ့ကရင်သတင်းရင်းမြစ်ဆီကသိရပါတယ်။
KNU ရဲ့အုပ်ချုပ်ရေးနယ်မြေဒူပလာယာခရိုင်(ကြာအင်းဆိပ်ကြီး)၊ဘုရားသုံးဆူဒေသအကျဉ်းထောင်ကနေအကျဉ်းသားခြောက်ဦး ဟာ ဇူလိုင်လ ၁ ရက်ကတည်းက ထွက်ပြေးလွတ်မြောက်နေတာပါ။
လက်နက်တွေနဲ့အတူထောက်ဖောက်ပြေးသွားတဲ့အကျဉ်းသားခြောက်ဦးဟာ လူသတ်မှု ၊ ခိုးမှု ၊ မူးယစ်ဆေးဝါးမှုတွေနဲ့ ပြစ်ဒဏ်ကျခံနေရသူတွေဖြစ်ပြီး ဒီနေ့ (ဇူလိုင် ၃ ရက်) နေ့လယ်ပိုင်းအထိ ဖမ်းဆီးရမိတာမရှိသေးဘူးလို့ KNU တပ်မဟာ (၆)နဲ့နီးစပ်တဲ့သတင်းရင်းမြစ်ကပြောပါတယ်။
Public Service Announcement
ထွက်ပြေးသွားတဲ့လမ်းက KNUနဲ့ DKBA ဂိတ်စခန်းတွေကိုလည်း ပစ်ခတ်သွားတယ်လို့ သိရပါတယ်။
KNU တပ်မဟာ(၆)နယ်မြေခံလုံခြုံရေးတာဝန်ရှိသူတွေကအကျဉ်းသားတွေကိုလိုက်လံရှာဖွေနေဆဲဖြစ်တယ်လို့ ပြောပါတယ်။
KNU ဒူးပလာယာခရိုင်ရဲ့ ဥက္ကဋ္ဌပဒိုစောလစ္စတန်ကလည်းထွက်ပြေးလွတ်မြောက်သွားတဲ့အကျဉ်းသားတွေမှာ လက်နက်တွေပါသွားတာကြောင့်ဒေသတွင်းလုံခြုံရေးခြေအနေ စိုးရိမ်နေရပြီး အပူတပြင်း လိုက်လံရှာဖွေနေတယ်လို့ ကရင်သတင်းစဥ် KIC ကို ဖြေကြားထားပါတယ်။
