ဩဂုတ်−၁၀၊၂၀၂၆၊ကတ်သရင်း/ People’s Spring
မန္တလေးတိုင်း၊အမရပူရမြို့နယ်မှာ ဒုဌဝတီမြစ်ရေတက်လာတာကြောင့် မြစ်ငယ်မြို့နဲ့ အနီးပတ်ဝန်းကျင် ကျေးရွာတချို့ ဩဂုတ် ၉ရက်မနက်ပိုင်းစတင်ကာ ရေဝင်ရောက်နေတယ်လို့ ဒေသခံတွေက ပြောပါတယ်။
မြစ်ငယ်မြို့အနီးက ဥယျာဉ်တော်ရွာ၊လိပ်ဆံခွန်ရွာ၊ညောင်ပင်နဲ့ ညောင်ပင်ဆောက်ကျေးရွာတွေမှာ ရေဝင်နေတယ်လို့ သိရပါတယ်။
“မြစ်ငယ်မြို့ရဲ့အ ရှေ့ဘက်နဲ့ အနောက်ဘက်ရွာတချို့ဝင် နေပြီ။ရေက ဆက်တိုက်တက်လာတယ်။သီပေါဘက်ရေ ကျပြီဆိုတော့ ဒီဘက်က ရေတက်လာနိုင်တဲ့ အခြေအနေရှိတယ်။ဥယျာဉ်တော်ဆို မနေ့က ရေစဝင်တာ။ဒီနေ့ ရေက ခါးလောက်ရောက်နေပြီ”လို့ ဒေသခံတစ်ဦးက ပြောပါတယ်။
Public Service Announcement
ယခင်ကလည်း အဲဒီကျေးရွာတွေဟာ အထက်ပိုင်းမိုးများပြီး ဒုဌဝတီမြစ်ရေတက်ချိန် ရေဝင်တက် ပေမယ့် ယခုနှစ်လို အလျှင်အမြန်ကြီး ရေတက်တာမျိုးမရှိဘူးလို့ ဒေသခံတွေက ပြောပါတယ်။
လက်ရှိ မန္တလေးမြို့မှာလည်း ဧရာဝတီမြစ်ရေ တက်ဆဲဖြစ်ပြီး မြစ်ရေအမှတ် ၁၁၉၆ကို ရောက်နေပြီး
စိုးရိမ်ရေမှတ်မှာ ၁၂၆၀ဖြစ်ကာ စိုးရိမ်ရေမှတ်ကို ရောက်ရန် ၁၂စင်တီမီတာသာလိုတော့တယ်လို့သိရပါတယ်။
