စက်တင်ဘာ ၂၁၊၂၀၂၆။သုည/People’s Spring
အမေရိကန်နဲ့ ထိုင်ဝမ်နိုင်ငံရောက်ရောက်မြန်မာတွေက သံအမတ်ကြီး ဦးကျော်မိုးထွန်းကို (၈၁) ကြိမ်မြောက် ကုလသမဂ္ဂအထွေထွေညီလာခံမှာ ဆက်လက်ကိုယ်စားပြုခွင့်ရရှိရေးအတွက် ဆန္ဒထုတ်ဖော်မှုကို စက်တင်ဘာ ၂၀ ရက်က ပြုလုပ်ခဲ့ပါတယ်။
အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်ဖရန်စစ္စကို မြို့တော်ခန်းမရှေ့မှာ ပြည်ပရောက်တော်လှန်ရေးအင်အားစုတွေနဲ့ မြန်မာပြည်သူတွေက သံအမတ်ကြီး ဦးကျော်မိုးထွန်းကို (၈၁) ကြိမ်မြောက် ကုလသမဂ္ဂအထွေထွေညီလာခံမှာ ဆက်လက်ကိုယ်စားပြုခွင့်ရရှိရေးအတွက် စုပေါင်းဆန္ဒဖော်ထုတ်ခဲ့ကြပါတယ်။
ဆန္ဒဖော်ထုတ်သူတွေက ဦးကျော်မိုးထွန်းကို အပြည့်အဝ ကိုယ်စားပြုခွင့်ရှိတဲ့ မြန်မာအမြဲတမ်းကိုယ်စားလှယ်အဖြစ် ဆက်လက်အသိအမှတ်ပြုဖို့၊ အာဏာပိုင်အဖွဲ့ကိုယ်စား တင်သွင်းလာတဲ့ သံတမန်ခန့်အပ်လွှာတွေကို ငြင်းပယ်ဖို့ တောင်းဆိုခဲ့ပါတယ်။
Public Service Announcement
ဒါ့အပြင် မြန်မာနိုင်ငံရဲ့ကုလသမဂ္ဂကိုယ်စားပြုနေရာကို အလွတ်ထားခြင်း (သို့) ဆုံးဖြတ်ချက်မချဘဲ ဆက်လက်ထားရှိခြင်း မပြုဖို့နဲ့ ၂၀၂၁ ကတည်းက ကျင့်သုံးလာတဲ့အတိုင်း မဲခွဲဆုံးဖြတ်ခြင်းမပြုဘဲ တူညီဆန္ဒနဲ့ ဆုံးဖြတ်ဖို့ကိုလည်း ဆန္ဒထုတ်ဖော်ခဲ့ပါတယ်။
ထိုင်ဝမ်နိုင်ငံမှာလည်း ပြည်ပရောက်မြန်မာတွေက စုပေါင်းပြီး “ငါတို့ သံအမတ် – ငါတို့ အသံ Our Ambassador – Our Voice” စာသားနဲ့ သံအမတ်ကြီး ဦးကျော်မိုးထွန်း ကုလသမဂ္ဂမှာ မြန်မာနိုင်ငံကိုယ်စားပြုပြီး ဆက်ရှိနေစေဖို့ တောင်းဆိုဆန္ဒပြခဲ့ပါတယ်။
သံအမတ်ကြီး ဦးကျော်မိုးထွန်းကို ကုလသမဂ္ဂ အထွေထွေညီလာခံမှာ ဆက်လက် အသိအမှတ်ပြုရေးအတွက် ကမ္ဘာ့မြို့ကြီးတွေမှ နိုင်ငံတကာရောက် နွေဦးတော်လှန်ရေးမိသားစုတွေက ဆန္ဒထုတ်ဖော်မှုတွေ ဆက်တိုက်ပြုလုပ်နေပါတယ်။
