စစ်အာဏာသိမ်းတာ တစ်နှစ်ပြည့်သွားပေမယ့် အုပ်ချုပ်လို့မရသေးကြောင်းပြသတဲ့သပိတ်တွေဟာ လမ်းတွေပေါ်မှာ ဆက်ရှိနေသလို အလုပ်သမားထုကလည်း သပိတ်တိုက်ပွဲတွေနဲ့ နွေဦးတော်လှန်ရေးမှာပါဝင်ခဲ့ကြတယ်လို့ မြန်မာအလုပ်သမားတပ်ပေါင်းစုရဲ့ကိုယ်စား ဦးနန္ဒာစစ်အောင် က ပြောလိုက်ပါတယ်။
ဒီနေ့မှာကျင်းပတဲ့ အမျိုးသားညီညွတ်ရေးအတိုင်ပင်ခံကောင်စီ ရဲ့ ညီလာခံဖွင့်ပွဲမှာ ထည့်သွင်းပြောခဲ့တာပါ။
မြန်မာနိုင်ငံမှာ လုပ်သားထုဟာ ၃၅ သန်းကျော်ရှိပြီး ဒါဟာ နိုင်ငံလူဦးရေရဲ့ ထက်ဝက် ကျော်ဖြစ်တယ်လို့ သိရပါတယ်။
ဒါကြောင့် ပြီးခဲ့တဲ့ ရွေးကောက်ပွဲမှာ လုပ်သားတွေရဲ့မဲတွေလည်းပါဝင်ပြီး ရွေးကောက်ပွဲရလဒ်ကို အာဏာသိမ်းလိုက်တာဟာ လုပ်သားထုက ပေးအပ်လိုက်တဲ့ လုပ်ပိုင်ခွင့်ကို သိမ်းယူလိုက်တာဖြစ်တယ်လို့ ဦနန္ဒာစစ်အောင်က ပြောပါတယ်။
Public Service Announcement
မြန်မာလုပ်သားထုကြီးဆင်းရဲနေတာဟာ စစ်အာဏာရှင်စနစ်အမြစ်တွယ်နေတာနဲ့ ဖက်ဒရယ်ဒီမိုရေစီစနစ်အမြစ်တွယ်နေတာကြောင့်ဖြစ်တယ်လို့လည်းပြောပါသေးတယ်။
ဒါကြောင့် မြန်မာလုပ်သားတပ်ပေါင်းစုဟာနွေဦးတော်လှန်ရေးမှာ သပိတ်တိုက်ပွဲ ၊ နိုင်ငံတကာလုပ်သားသမဂ္ဂတွေနဲ့ချိတ်ဆက်ကာ စီးပွားရေးပိတ်ဆို့အရေးယူဖို့ တိုက်ပွဲ ၊ NUCC မှာ ပါဝင်ကာ ဘုံသဘောတူညီချက်တွေချမှတ်ပြီးတိုက်ပွဲဝင်နေတယ်လို့လည်း သိရပါတယ်။
