ကရင်အမျိုးသားအစည်းအရုံး(KNU)နယ်မြေ ဘားအံ(ဖားအံ)မြို့နယ်အတွင်းရှိ စစ်ကောင်စီ လက်အောက်ခံ ဂျို့ပင်ဆိပ် တပ်စခန်းကို တိုက်ခိုက်ခဲ့ရာ စစ်ကောင်စီနှင့် နယ်ခြားစောင့်တပ်မှ လေးဦးသေဆုံးပြီး တပ်ခွဲမှူးအပါအဝင် လေးဦး ဒဏ်ရာရရှိခဲ့ကြောင်း KNU ဗဟိုသတင်းနှင့် ပြန်ကြားရေးဌာနက ထုတ်ပြန်သည်။
အဆိုပါ တပ်စခန်းကို ဖေဖော်ဝါရီလ ၇ ရက်နေ့ နံနက် ၉ နာရီခွဲဝန်းကျင်တွင် တိုက်ခိုက်ခဲ့ ခြင်းဖြစ်ကြောင်း၊ စစ်ကောင်စီနှင့် BGF ပူးပေါင်း တပ်စခန်းအတွင်းမှ လက်နက်ကြီး လက်နက်ငယ်များဖြင့် ရမ်းသမ်းပစ်ခတ်ခဲ့၍ စခန်းအရှေ့မှဆိုင်ကယ်မောင်းနှင်လာသူ ဒေသခံပြည်သူတစ်ဦး ပြင်းထန်ဒဏ်ရာရရှိခဲ့ကြောင်း ဖော်ပြထားသည်။
ဒဏ်ရာရရှိသူမှာ ကမမောင်းဘက်သို့ ဆိုင်ကယ်ဖြင့် ရာဘာရောင်းရန် လာသည့် အသက်၂၁ နှစ်အရွယ် လူငယ်တစ်ဦးဖြစ်ပြီး လက်ရှိတွင် ဆေးဝါးကုသမှုခံယူ နေကြောင်း ထုတ်ပြန်သည်။
အင်အား ၃၀ခန့်ရှိသည့် အဆိုပါစစ်ကောင်စီ-BGFပူးပေါင်းတပ်ဖွဲ့သည် ထိုသို့ တိုက်ခိုက် ခံရပြီးနောက် ဖေဖော်ဝါရီ ၈ရက် နံနက်ပိုင်းတွင် ဂျို့ပင်ဆိပ်စခန်းကို စွန့်ခွာကာ မိတ္ထီလာရွာ (ဘုရားကုန်း)သို့ ပြောင်းရွေ့ဆုက်ခွာသွားသည်ဟု ဖော်ပြထားသည်။
Public Service Announcement
