မကွေးတိုင်း ဂန့်ဂေါမြို့နယ်ပြည်သူ့အုပ်ချုပ်ရေးအဖွဲ့ (ပအဖ)အနေဖြင့် မြို့နယ်ပြင်ပသို့ ဆန်ရောင်းချခွင့် မရှိကြောင်း ကန့်သတ်ချက်ထုတ်ပြန်ထားခြင်းမရှိကြောင်းနှင့် လူမှုကွန်ရက်၌ မြေပြင်ကာကွယ်ရေးပူးပေါင်းတပ်ဖွဲ့များ အမည်ခံရေးသားထားမှုများသည် အခြေအမြစ်မရှိကြောင်း ရှင်းလင်းခဲ့သည်။
မတ်လ ၁၆ရက်က လူမှုကွန်ရက်စာမျက်နှာတစ်ခုတွင် ဂန့်ဂေါမြို့နယ်မှ ပြည်သူများအနေဖြင့် မြို့နယ်ပြင်ပသို့ ဆန်ရောင်းချခွင့် မရှိကြောင်း၊ မြို့နယ်တွင်း ဆန်ရောင်း ချမှုများကိုလည်း စစ်ဆေးမည်ဖြစ်ကြောင်း မြေပြင်ကာ ကွယ်ရေးပူးပေါင်းတပ်ဖွဲ့များ အမည်ခံကာ သတင်းတစ်ခုပေါ်ထွက်လာခဲ့သည်ဟု ဆိုသည်။
ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့၊ ဂန့်ဂေါမြို့နယ် ပြည်သူ့ကာကွယ်ရေးအဖွဲ့နှင့် ကာကွယ်ရေးဝန်ကြီး ဌာန၏လမ်းညွှန်မှုကိုလိုက်နာနေသော ပြည်သူ့ကာကွယ် ရေးတပ်ဖွဲ့များအနေဖြင့် ဖော်ပြပါရှိသော ကန့်သတ်ချက်များကို ထုတ်ပြန်ထားခြင်းမရှိပါကြောင်း သတင်းထုတ်ပြန်သည်။
အဆိုပါရေးသားချက်များကိုလည်း ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က အခြေအမြစ်မရှိသည့် သတင်းအဖြစ် ပယ်ချကြောင်း ဖော်ပြသည်။
Public Service Announcement
ပြည်သူ့ကာကွယ်ရေးအဖွဲ့များအနေဖြင့် စစ်တပ်၏ အကြမ်းဖက်ခြင်းခံရသည့် နယ်မြေဒေသအချို့တွင် အခြေအနေအချိန်အခါအရ ဆန်စပါးရောင်းချလိုသူပြည်သူများနှင့်ညှိနှိုင်းဆောင်ရွက်မှု အချို့ရှိသော်လည်း လက်ရှိအခြေအနေတွင် ဒေသတွင်းစီးပွားရေးကို ထိခိုက်နိုင်သည့် တစ်မြို့နယ်လုံးအားကန့်သတ်ပိတ်ပင်ဆောင် ရွက်မှုများ လုံးဝမရှိပါကြောင်း အသိပေးထားသည်။
လူမှုကွန်ရက်စာမျက်နှာများပေါ်တွင် ပြည်သူ့ကာကွယ် ရေးအဖွဲ့များ အမည်ခံကာ တာဝန်ခံမှုကင်းမဲ့သော သတင်းများရေးသားနေသူများကိုလည်း ကန့်ကွက်ရှုတ်ချကြောင်း ထုတ်ပြန်ခဲ့သည်။
ဂန့်ဂေါမြို့နယ် ပြည်သူ့အုပ်ချုပ်ရေး အဖွဲ့သည် အမျိုးသားညီညွတ်ရေးအစိုးရ၏ လမ်းညွှန်ချက်၊ အသိအမှတ်ပြုမှုများနှင့် ဖွဲ့စည်းဆောင်ရွက်နေခြင်းဖြစ်ပြီး သက်ဆိုင်ရာပြည်သူ့ကာကွယ်ရေးအဖွဲ့များနှင့်လည်း ဆက်သွယ်ညှိနှိုင်း လက်တွဲဆောင်ရွက်နေကြောင်း ဖော်ပြထားသည်။
