စစ်ကိုင်းတိုင်း၊ မုံရွာ၊ ချောင်းဦးနှင့် မြင်းမူနယ်များရှိ လမ်းပိုင်း လေးခုကို အရေးပေါ်လိုအပ်ချက်အခြေအနေအရ ယနေ့နံနက် ၁၁ နာရီမှစတင်ကာ ဖြတ်သန်းခွင့်ယာယီပိတ်ထားကြောင်း ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်ကြေညာသည်။
ယနေ့ ဧပြီလ ၂၃ ရက် နံနက် ၁၁ နာရီမှစတင်ကာ မုံရွာ – ချောင်းဦး – မြင်းမူလမ်းပိုင်း၊ မုံရွာ – အမြင့်လမ်းပိုင်း၊ ချောင်းဦး – အမြင့်လမ်းပိုင်းနှင့် ချောင်းဦး – ပခုက္ကူလမ်းပိုင်းများကို ယခုကြေညာချက်ထုတ်ပြန်ချိန်မှစ၍ နောက်ထပ်ကြေညာချက်တစုံတရာမထုတ်ပြန်မီအထိ အရေးပေါ်လိုအပ်ချက်အခြေအနေအရ ယာယီပိတ်ထားလိုက်ကြောင်း ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်ကြေညာလိုက်ခြင်းဖြစ်သည်။
ယာယီပိတ်ထားချိန်အတွင်း ကြေညာချက်ပါလမ်းပိုင်းကိုပြည်သူတို့၏ လုံခြုံရေးအတွက် လုံးဝအသုံးမပြုကြပါရန်နှင့်လိုက်နာခြင်းမရှိသူတို့၏လုံခြုံရေးအတွက်အာမမခံပါကြောင်း၊ အထက်ပါလမ်းပိုင်းတွင်သွားလာနေကြသောမော်တော်ယာဉ်များအနေဖြင့် အန္တရာယ်ကင်းရှင်းစေရန်အတွက် ရောက်ရာအရပ်တွင်ခေတ္တရပ်နားထားကြပါရန်နှင့် အဆိုပါလမ်းပိုင်းကိုလက်ရှိအသုံးပြုလျက်ရှိသော မိမိ၏ဆွေမျိုးမိတ်ဆွေများကို ထပ်ဆင့်အကြောင်းကြားပေးကြပါရန် ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့က မေတ္တာရပ်ခံအပ်သည်။
အဆိုပါလမ်းပိုင်းများ၌ အကြမ်းဖက်စစ်ကောင်စီယာဥ်များ မကြာခဏ မိုင်းဆွဲတိုက်ခိုက်ခံရလေ့ရှိပြီး အကြမ်းဖက်စစ်ကောင်စီယာဥ်များနှင့် ကပ်လျက်လိုက်ပါမောင်းနှင်ခြင်းမပြုကြရန် ဒေသတွင်းပြည်သူ့ကာကွယ်ရေးအဖွဲ့များက သတိပေးထားသည်။
Public Service Announcement
