ဧရာဝတီတိုင်း ရေကြည်မြို့နယ် အသုတ်မြို့က သတင်း ပေးဒလန်လို့ နာမည်ကြီးတဲ့ ဦးဝင်းနိုင်ဦးဆိုသူဟာ သေနတ်နဲ့ပစ်ခံရပြီး သေဆုံးသွားတယ်လို့ ဒေသခံတွေထံက စုံစမ်းသိရပါတယ်။
ဒီကနေ့(သြဂုတ် ၁၈)မနက် ၇ နာရီခွဲလောက်မှာ ဦးဝင်းနိုင်ဦးရဲ့ ဆိုင်ကယ်အရောင်းဆိုင်ရှေ့မှာ သေနတ်နဲ့အနီး ကပ်ပစ်ခံရတာဖြစ်ပြီး ရရှိဒဏ်ရာနဲ့သေဆုံးသွားတာဖြစ်လို့ ဒေသခံတစ်ဦးက ပြောပါတယ်။
ပြီးခဲ့တဲ့ ဇူလိုင်လအတွင်းကလည်း သေဆုံးသူဦးဝင်းနိုင်ဦးရဲ့ဆိုင်ရှေ့မှာ ဗုံးပေါက်ခဲ့ဖူးသေးတယ်လို့ အဲဒီဒေသခံက ဆိုပါတယ်။
ဦးဝင်းနိုင်ဦးဟာ ရွှေအသုတ်သွေးလူမှုအသင်းရဲ့ဥက္ကဋ္ဌတာဝန်ရယူထားသူတစ်ဦးဖြစ်ပြီး သူနေထိုင်တဲ့အသုတ်မြို့ပေါ်မှာ စစ်ကောင်စီလက်ဝေခံ သတင်းပေးဒလန်တစ်ဦးအဖြစ် လူသိများပါတယ်။