ရွှေဘိုမြို့နယ်၊ ဆိပ်ခွန်ကျေးရွာရဲစခန်းကို (၄၀)မမ များဖြင့် သွားရောက် ပစ်ခတ်တိုက်ခိုက်ခဲ့ကြောင်း ဗိုလ်ကျားရိုင်း – ရွှေဘို(LPDF)အဖွဲ့က ယနေ့ (သြဂုတ် ၂၅ ရက်) ထုတ်ပြန်သည်။
တိုက်ခိုက်မှုဖြစ်စဥ်အရ ယမန်နေ့(သြဂုတ် ၂၄ ရက်) နံနက် ၉ နာရီခန့်ကဖြစ်ပြီး စစ်ကောင်စီ တပ်သားတစ်ဦး အပြင်းအထန် ဒဏ်ရာရရှိကြောင်း အသိပေးသည်။
“ရဲစခန်းထဲမှာ တပ်စွဲထားတာ ပျှမ်းမျှ ရခ နဲ့ စခ ၃၀ကျော်လောက်ရှိတယ်။အလစ်ငိုက် ဝင်တိုက်ခဲ့တာ”ဟု တိုက်ပွဲဖြစ်စဥ်တွင်ပါဝင်ခဲ့သော တပ်ဖွဲ့ဝင်တစ်ဦးက People’s Spring သို့ ပြောသည်။
ဆိပ်ခွန်ကျေးရွာရဲစခန်းကို 96 Soldiers PDF၊ ရွှေဘိုမြို့နယ်တပ်ရင်း (၅) တပ်ခွဲ -၃၊MDF- Shwe bo၊C & T SHWEBO LPDF၊ ငါးမည်ရပြည်သူ့ကာကွယ်ရေးတပ်ဖွဲ့၊ ဇေယျာသွေးကျားရိုင်း၊ ဇာမဏီဒေါင်း၊ ရွှေဘိုစွန်ရဲ LPDF၊ ဒေါင်းမာန် -ရွှေ ဘို LPDF၊ ရွှေဘိုမြို့နယ် တိုက်နယ်-၂(ပ.က.ဖ)၊ Bo Ba Taw၊ SNAKE EYES LPDF၊ Shwebo Federal Army (LPDF)၊ Alpha-7 တို့နှင့် ဗိုလ်ကျားရိုင်း ရွှေဘို (LPDF)တို့မှ ပူပေါင်းဆောင်ရွက်ခဲ့သည်ဟု ဆိုသည်။
Public Service Announcement
လက်ရှိ စစ်ရေးအခြေအနေကြောင့်လည်း စက်တင်ဘာ ၁ရက်အထိ ရွှေဘို – ဆိပ်ခွန် – မူးကမ်းကြီး – နောင်ကြီးအိုင်လမ်းတစ်လျှောက်အား ည ၇နာရီမှ – နံနက် ၅နာရီအတွင်း ဖြတ်သန်းသွား လာခြင်းမပြုရန် ကာကွယ်ရေးတပ်ဖွဲ့များက သတိပေးထားသည်။
