Connect with us

Hi, what are you looking for?

သတင်း

စစ်ကောင်စီက ၁၂ရက်အတွင်း ဒီပဲယင်းအရှေ့ခြမ်းရှိ ရွာပေါင်း ၁၈ရွာမှ နေအိမ်ပေါင်း ၁,၆၀၀ ကျော်မီးရှို့ဖျက်ဆီး

စစ်ကောင်စီတပ်၏ မီးရှို့ဖျက်ဆီးမှုကြောင့်ဒေသခံပြည်သူ ၂၀,၀၀၀ ခန့်အထိ အိုးမဲ့အိမ်မဲ့ ဖြစ်ခဲ့ရပြီး ‌နီးစပ်ရာ ဆွေမျိုး၊ ဘုရား၊ ကျောင်းကန်များတွင်သာ နေထိုင်နေရသည်။

လက်ယက်ကုန်း၊ညောင်ကြီးကုန်း၊ အင်ပင်၊ ကုန်းတဲ ကျေးရွာများ မီးရှို့ခံရပြီးနောက် တွေ့ရစဥ်၊ ဓာတ်ပုံ-ဒီပဲယင်းမြို့နယ်စစ်ရှောင်ထောက်ပံ့ရေး
လက်ယက်ကုန်း၊ညောင်ကြီးကုန်း၊ အင်ပင်၊ ကုန်းတဲ ကျေးရွာများ မီးရှို့ခံရပြီးနောက် တွေ့ရစဥ်၊ ဓာတ်ပုံ-ဒီပဲယင်းမြို့နယ်စစ်ရှောင်ထောက်ပံ့ရေး

စစ်ကိုင်းတိုင်း၊ ဒီပဲယင်းမြို့နယ်အရှေ့ခြမ်းတွင် စစ်ကောင်စီတပ်၏ မီးရှို့ဖျက်ဆီးမှုကြောင့် ၁၂ရက်အတွင်း ရွာပေါင်း ၁၈ ရွာရှိ နေအိမ် ၁,၆၀၀ ကျော် မီးလောင်ပျက်စီးခဲ့ကြောင်း ဒေသတွင်းသတင်းရင်းမြစ်များက ပြောသည်။

ဒီဇင်ဘာလဆန်းမှ ၁၂ ရက်အထိ ဒီပဲယင်းမြို့နယ်အရှေ့ခြမ်းရှိ ကျေးရွာများအား စစ်ကောင်စီတပ်က ဝင်ရောက်ဖျက်ဆီးမီးရှို့ခဲ့ရာ ပျော်ဘွယ်ရွာမှ ၃၃အိမ်၊ ညောင်ကြီးကုန်းရွာမှ ဘုန်းကြီးကျောင်းဆောင် အပါအ၀င် ၆၄ အိမ်၊ မဲအိုးရွာမှ ၇၆ အိမ်ခန့်၊ လက်ယက်ကုန်းရွာမှ ၁၈၆အိမ်ခန့်၊ မူးခတွင်းရွာမှ ၁၅၆ အိမ်ခန့်၊ညောင်လှရွာမှ ၁၉အိမ်၊‌ဘုန်းကြီးကျောင်း သုံးဆောင်၊ ကံကုန်းရွာမှ ၁၅အိမ်၊ သပြေသာရွာမှ ၂၅အိမ်၊ ဝဲကြီးရွာမှ ၈၅အိမ်၊ ရုံးသာရွာမှ ၃၀ မီးရှို့ဖျက်ဆီးခဲ့သည်။

ထို့အပြင် နများရွာမှ ၃၁၈အိမ်၊ ယဥ်ကျေးရွာ မှ ၁၃အိမ်၊ မူးရိုးကုန်းရွာ ဘုန်းကြီးကျောင်းဆောင် အပါအ၀င် ၈၅ အိမ်၊ ဘန့်ဘွေးရွာမှ ၁၂အိမ်၊ အင်ပင်ရွာမှ ၂၅၀အိမ်၊ကုန်းတဲရွာမှ ၇၅အိမ်၊ကုန်းကြီးရွာမှ ၁၂အိမ်၊ ပေါက်ရင်းရွာမှ ၉ အိမ်စသည့် ကျေးရွာပေါင်း ၁၈ ရွာမှ နေအိမ် ၁,၆၀၀ ကျော် ပျက်စီးခဲ့သည်ဟု စာရင်းရရှိထားကြောင်း ဒီပဲယင်းမြို့နယ် စစ်ရှောင်ထောက်ပံ့ရေးအဖွဲ့က ပြောသည်။

အချို့ကျေးရွာများ ရွာလုံးကျွတ်နီးပါး မီးလောင်ဆုံးရှုံးခဲ့ရပြီး ယခုအကြိမ် မီးရှို့ဖျက်ဆီးမှုသည် စစ်ကောင်စီတပ်က ကျေးရွာနေပြည်သူများ၏ နေထိုင်၊ စားသောက်ရေး အခက်အခဲများ ပိုဖြစ်လာစေရန် တမင်ရည်ရွယ်၍ လုပ်ဆောင်ခဲ့ခြင်းဖြစ်ကြောင်း ဒီပဲယင်းမြို့နယ် စစ်ရှောင်ထောက်ပံ့ရေးအဖွဲ့က ပြောသည်။

Public Service Announcement

Public Service Announcement

စစ်ကောင်စီတပ်၏ မီးရှို့ဖျက်ဆီးမှုကြောင့်ဒေသခံပြည်သူ ၂၀,၀၀၀ ခန့်အထိ အိုးမဲ့အိမ်မဲ့ ဖြစ်ခဲ့ရပြီး ‌နီးစပ်ရာ ဆွေမျိုး၊ ဘုရား၊ ကျောင်းကန်များတွင်သာ နေထိုင်နေရသည်။

ထို့အပြင် နေအိမ်မီးရှို့ခံရသည့် ပြည်သူများမှာ စစ်ကောင်စီတပ် စစ်ကြောင်းထိုးလာချိန်မှစ၍ ၁၀ ရက်ခန့်ထိ ထွက်ပြေးတိမ်းရှောင်နေရပြီး နေအိမ်များ၊ ရိက္ခာ၊ အသုံးအဆောင်ပစ္စည်းများပါ မီးလောင်ဆုံးရှုံးခဲ့ရသဖြင့် နေထိုင်စားသောက်ရေး အခက်အခဲများ ကြုံတွေ့နေရကြောင်း ဒေသခံများက ပြောသည်။

လတ်တလော မီးဘေးကယ်ဆယ်ရေးစခန်းအချို့က မီးဘေးသင့်ပြည်သူများအတွက် အစားအသောက်များ ချက်ပြုတ်ကျွေးမွေးနိုင်ရန် ကူညီ ထောက်ပံ့ပေးနေပြီး လူဦးရေအဆမတန်များပြားနေသဖြင့် အကူအညီများ လိုအပ်နေကြောင်း ဒီပဲယင်းမြို့နယ် စစ်ရှောင်ထောက်ပံ့ရေးအဖွဲ့က ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook