ကချင်ပြည်နယ် မိုးမောက်မြို့နယ်အထွေထွေအုပ်ချုပ်ရေးမှူးနှင့် စစ်ကိုင်းတိုင်း ပင်လယ်ဘူးမြို့နယ် ကင်းပန်း ကျေးရွာအုပ်ချုပ်ရေးမှူးတို့ သေနတ်ဖြင့်ပစ်သတ်ခံရမှု ယမန်နေ့က ဖြစ်ပွားခဲ့သည်။
ရန်ကုန်မြို့ လှိုင်သာယာမြို့နယ် အုပ်ချုပ်ရေးမှူးအဖြစ်မှ မိုးမောက်မြို့နယ်အုပ်ချုပ်ရေးမှူးအဖြစ် ပြောင်းရွှေ့ သွားသည့် ဦးကျော်ဆွေသည် ယမန်နေ့ည ၉နာရီခန့်တွင် သေနတ်သမားများက ပစ်သတ်သွားခြင်းဖြစ်ကြောင်း အဆိုပါမြို့ဒေသခံတစ်ဦးက ပြောသည်။
“ညက အသတ်ခံရတာပြောတယ်။ ကျွန်တော်လည်း ဒီမနက်မှသိရတာ”ဟု ၎င်းကပြောသည်။
ထို့အပြင် ပင်လယ်ဘူးမြို့နယ်ရှိ ကင်းပန်းကျေးရွာအုပ်ချုပ်ရေးမှူး ဦးခင်ဇော်ဝင်းသည် ယမန်နေ့ညနေပိုင်းတွင် သေနတ်သမားများက လာရောက်ပစ်သတ်သွားခြင်းဖြစ်သည်။
Public Service Announcement
စစ်တပ်ကအာဏာသိမ်းပြီးနောက် အကြမ်းဖက်စစ်ကောင်စီအဖွဲ့ကခန့်အပ်သော မြို့နယ်အုပ်ချုပ်ရေးမှူးများ၊ ရပ်ကွက်နှင့်ကျေးရွာ အုပ်ချုပ်ရေးမှူးများ မကြာခဏအသတ်ခံနေရသည်။
