ဝါရင့်လူရွှင်တော်တစ်ဦးဖြစ်တဲ့ (ဦး)မေတ္တာဟာ ဒီကနေ့ (သြဂုတ် ၂)မှာ ကွယ်လွန်သွားတယ်လို့ သတင်းရရှိပါတယ်။
“ကျနော့်အဖေ နေ့လည် ၁၂နာရီမှာ ဆုံးသွားပါတယ်ခင်ဗျာ”လို့ (ဦး)မေတ္တာရဲ့သားဖြစ်သူ မေတ္တာမြင့်မြတ်ဟိန်းက လူမှုကွန်ရက်ကတစ်ဆင့် အသိပေးထားပါတယ်။
လူရွှင်တော်မေတ္တာရဲ့အမည်ရင်းက ဦးခင်မောင်မြင့်ဖြစ်ပြီး ကွယ်လွန်ချိန်မှာ အသက် (၆၇)နှစ်ရှိပါပြီ။
ကိုဗစ်တတိယလှိုင်းကူးစက်ပြန့်ပွားနေတဲ့လက်ရှိကာလမှာ ရောဂါကူးစက်ခံရတာကြောင့် စာပေပညာရှင်တွေ အနုပညာရှင်တွေအပါအဝင် ပြည်သူအများအပြား သေဆုံးနေပါတယ်။
Public Service Announcement
ပြီးခဲ့တဲ့ ဇူလိုင် ၂၃ ရက်ကလည်း ဝါရင့်လူရွှင်တော်တစ်ဦးဖြစ်တဲ့ (ဦး)ဒီလုံး ကွယ်လွန်ခဲ့ပါတယ်။
