Connect with us

Hi, what are you looking for?

LuduNwayOo

News

အပြစ်မဲ့ပြည်သူတစ်ဦးထပ်မံကျဆုံးပြီး နွေဦးတော်လှန်ရေးကာလအတွင်း ကျဆုံးခဲ့သည့်ပြည်သူ စုစုပေါင်း ၉၄၆ဦးရှိလာ

ဖေဖော်ဝါရီ၁ ရက်မှ ယနေ့ ဩဂုတ် ၃ ရက်အထိ ဖမ်းဆီးချုပ်နှောင်ခြင်းခံထားရသူ စုစုပေါင်း ၅၄၇၈ဦးရှိပြီး ၎င်းတို့အနက်မှ ၂၅၅ ဦး မှာ ထောင်ဒဏ်ချမှတ်ခြင်းခံထားရသည်ဟု ထပ်မံဖော်ပြထားသည်။ ထိုပြစ်ဒဏ် ကျခံရသူများအနက်မှ အသက် ၁၈ နှစ်အောက် ကလေးနှစ်ဦး အပါအဝင် ၂၆ဦးမှာ သေဒဏ်ချမှတ်ခံထားရသည်ဟု ဖော်ပြထားသည်။

မြင်းခြံမြို့နယ်မှ အပြစ်မဲ့ပြည်သူတစ်ဦးကျဆုံးခဲ့ပြီး စစ်အာဏာရှင်တော်လှန်ရေး (နွေဦးတော်လှန်ရေး) ကာလ အတွင်း ယမန်နေ့အထိ ကျဆုံးခဲ့ရသူ စုစုပေါင်း၉၄၆ ဦး ရှိပြီဟု နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP)က ယနေ့ထုတ်ပြန်သည်။

အဆိုပါအရေအတွက်သည် AAPP မှ ကောက်ယူရရှိထားသည့် အရေအတွက်ဖြစ်ပြီး အဆိုပါအရေအတွက်ထက် ပိုများနေနိုင်သည်ဟု အေအေပီပီက ဆိုသည်။

ဖေဖော်ဝါရီ၁ ရက်မှ ယနေ့ ဩဂုတ် ၃ ရက်အထိ ဖမ်းဆီးချုပ်နှောင်ခြင်းခံထားရသူ စုစုပေါင်း ၅၄၇၈ဦးရှိပြီး ၎င်းတို့အနက်မှ ၂၅၅ ဦး မှာ ထောင်ဒဏ်ချမှတ်ခြင်းခံထားရသည်ဟု ထပ်မံဖော်ပြထားသည်။ ထိုပြစ်ဒဏ် ကျခံရသူများအနက်မှ အသက် ၁၈ နှစ်အောက် ကလေးနှစ်ဦး အပါအဝင် ၂၆ဦးမှာ သေဒဏ်ချမှတ်ခံထားရသည်ဟု ဖော်ပြထားသည်။

ထို့အပြင် ဖမ်းဝရမ်းထုတ်ခြင်းခံထားရသောကြောင့် တိမ်းရှောင်နေသူ ၁၉၆၄ ဦး ၎င်းတို့အနက်မှ မျက်ကွယ် သေဒဏ်ချမှတ်ခြင်းခံထားရသူ ၃၉ ဦး အပါအဝင်၁၁၈) ဦးမှာ မျက်ကွယ် ပြစ်ဒဏ်ချမှတ်ခြင်းခံထားရ၍ သေဒဏ်ချ မှတ်ခံထားရသူ စုစုပေါင်း ၆၅ ဦးရှိပြီဟု အေအေပီပီက ဆိုသည်။

အကြမ်းဖက်စစ်အုပ်စုမှ ဇူလိုင် ၆ ရက်တွင် ဖမ်းဆီးသွားခဲ့သည့် မန္တလေးတိုင်းဒေသကြီး၊ မြင်းခြံမြို့နယ်၊ ဆုံရွာကုန်း ကျေးရွာမှ ရွာသား ငါးဦးအနက် တစ်ဦးဖြစ်သည့် ကိုမိုးဇော်မှာ စစ်ကြောရေးအတွင်းရရှိသော ဒဏ်ရာများဖြင့် ဇူလိုင် ၃၁ရက်တွင် မြင်းခြံဆေးရုံကြီး၌ ကျဆုံးသွားခဲ့ကြောင်း၊ ကိုမိုးဇော်၏ကျောပြင်တွင် ဓားဖြင့်မွှန်း၊ ဆေးလိပ်မီးဖြင့် ထိုးခံထားရသည့် ဒဏ်ရာများ၊ ရင်ညွန့်နှင့် ဝမ်းဗိုက်တွင် သေနတ်ဒင်ဖြင့် ထုထောင်းခြင်း ခံထားရသည့် ဒဏ်ရာများတွေ့ရှိ ရကြောင်း အေအေပီပီက ထုတ်ပြန်သည်။

ထို့အပြင် အာဏာဖီဆန်ရေးလှုပ်ရှားမှု (CDM) ပြုလုပ်ထားသည့် မကွေးတိုင်းဒေသကြီး၊ ရေစကြိုမြို့မှ ရဲတပ်သား ကိုဖြိုးဇော်ဟိန်းကို အရပ်ဝတ်ဖြင့် ရဲများက ဩဂုတ်၁ ရက်တွင် ရိုက်နှက်ဖမ်းဆီးသွားခဲ့ကြောင်း ထပ်မံဖော် ပြထား သည်။ နေပြည်တော်၊ ပျဉ်းမနား၌ ဆိုင်ကယ်သပိတ်စစ်ကြောင်းတွင် ပါဝင်သော လူငယ် သုံးဦးဖြစ်ကြသည့် ကိုစိုးသူရမိုး၊ ကိုအောင်မျိုးချစ် နှင့်ကိုဇော်ခက်တို့ကို အကြမ်းဖက်စစ်အုပ်စု၏ တပ်ဖွဲ့ဝင်များမှ ဩဂုတ်၁ ရက် ညတွင် နေအိမ်များ၌ လိုက်လံဖမ်းဆီးခဲ့ကြောင်းလည်း ဖော်ပြထားသည်။

ထို့ပြင် တနင်္သာရီတိုင်းဒေသကြီး၊ ထားဝယ်မြို့နယ် ပြည်သူ့လွှတ်တော်ကိုယ်စားလှယ် ဦးအောင်စိန်ကို အကြမ်းဖက် စစ်အုပ်စုမှ ဇူလိုင်၃၀ ရက်နေ့ ညအချိန်တွင် နေအိမ်၌ လာရောက် ဖမ်းဆီးသွားခဲ့ကြောင်း ထပ်မံဖော်ပြထားသည်။

You May Also Like

သတင်း

လွှတ်ပေးတဲ့အကျဉ်းသူ၊အကျဉ်းသားတွေထဲ အကျဉ်းထောင် ၁၉ ခုကနေ နိုင်ငံရေးအကျဉ်းသား ၄၀၂ ဦးလွတ်လာတာကိုအတည်ပြုနိုင်တယ်လို့ AAPP ကဆိုထားပါတယ်။

သတင်း

AAPP မှ စောင့်ကြည့်လေ့လာမှတ်တမ်းအရ ယနေ့ ညနေပိုင်းအထိ ပြန်လည်လွတ်မြောက်လာသော နိုင်ငံရေးအကျဥ်းသား ၇၂ ဦးကိုသာ မှတ်တမ်းပြုထားနိုင်ကြောင်း ဖော်ပြသည်။

သတင်း

AAPP ၏ မှတ်တမ်းပြုချက်အရ အကြမ်းဖက်စစ်အုပ်စု၏ လက်ချက်ဖြင့် မုဒိမ်းကျင့်သတ်ဖြတ် (သို့မဟုတ်)သတ်ဖြတ်ပြီးနောက်မုဒိမ်းကျင့်ခြင်းခံခဲ့ရသည်ဟုဆိုနိုင်သော အရပ်သား ပြည်သူအနည်းဆုံး (၁၂) ဦး ရှိခဲ့သည်ဟုလည်း​ဖော်ပြထားသည်။

သတင်း

၂၀၂၁ အာဏာသိမ်းချိန်မှ ယနေ့အထိ ဖမ်းဆီးချုပ်နှောင်ခြင်းခံထားရသူ စုစုပေါင်း (၁၂၈၀၆) ဦးရှိပြီး ၎င်းတို့အနက်မှ (၁၆၁၂) ဦးမှာ ထောင်ဒဏ်ချမှတ်ခြင်းခံထားရသည်။