NUGကို ဥပဒေကြောင်းအရ တရားဝင်ထောက်ခံရေး ချက်သမ္မတနိုင်ငံ ကြိုးစားနေ

အမျိုးသားညီညွတ်ရေးအစိုးရ(NUG)ကို ဥပဒေကြောင်းအရ တရားဝင်ထောက်ခံရေးအတွက် နိုင်ငံတကာဥပဒေ ပညာရှင်တွေနဲ့ တိုင်ပင်ဆွေးနွေးနေတယ်လို့ ချက်သမ္မတ နိုင်ငံခြားရေး အာရှနှင့်ပစိဖိတ်ရေးရာဌာန ဒါရိုက်တာက ပြောပါတယ်။

ချက်နိုင်ငံခြားရေးဝန်ကြီးဌာန အာရှနှင့်ပစိဖိတ်ရေးရာဌာန ဒါရိုက်တာ Mrs Eliska Zigova က NUG ရဲ့ကိုယ်စား လှယ် ဦးလင်းသန့်ကို ဒီနေ့လက်ခံတွေ့ဆုံခဲ့ပြီး လက်ရှိမြန်မာ့အရေးနဲ့ ကိုဗစ်ကာကွယ်ဆေးအပါအဝင် လူသား ချင်းစာနာမှုဆိုင်ရာအကူအညီတွေပေးရေးတို့ကို ဆွေးနွေးခဲ့တယ်လို့ NUG နိုင်ငံခြားရေးဝန်ကြီးဌာနက သတင်း ထုတ်ပြန်ပါတယ်။

ချက်သမ္မတနိုင်ငံဟာ မြန်မာနိုင်ငံ ဒီမိုကရေစီပြန်လည်ထွန်းကားရေး အားပေးထောက်ခံနေပြီး မြန်မာပြည်သူ လူထုနဲ့ ခိုင်မာစွာရပ်တည်နေတယ်လို့ Mrs Eliska Zigova က ဆိုပါတယ်။

နောက်ပြီး စစ်ကောင်စီရဲ့ ရက်စက်လူမဆန် စွာ သတ်ဖြတ်မှုတွေကို အပြင်းထန်ဆုံးရှုတ်ချပြီး အဲဒီအကြမ်းဖက်လုပ်ရပ်တွေ ချက်ချင်းရပ်တန့်ဖို့ တောင်းဆိုထားတယ်လို့ ချက်နိုင်ငံက ဆိုပါတယ်။