ကရင်အမျိုးသားအစည်းအရုံး ထိန်းချုပ်နယ်မြေဖြစ်တဲ့ ဘားအံခရိုင်နဲ့ ဒူးပလာယာခရိုင်ထဲကို ဒီကနေ့ မနက် ၈ နာရီအချိန်က အာဏာသိမ်းအကြမ်းဖက်စစ်ကောင်စီစစ်လေယာဉ် လာရောက်ပျံဝဲတာတွေရှိတယ်လို့ ဒေသခံတွေကပြောပါတယ်။
“လေယာဉ်က နိမ့်နိမ့်လေးပဲ။ အထင်းသားမြင်နေရတယ်။ အစိမ်းအပြာရောင်။ ဒီမှာက လယ်ကွင်းထဲဆိုတော့ မြင်နေရတာလေ။ ကင်းလာထောက်တဲ့ပုံပဲ” လို့ ဒေသခံတွေကပြောပါတယ်။
ကေအဲန်ယူရဲ့ ဘားအံခရိုင် လှိုင်းဘွဲမြို့နယ်၊ ပိုင်ကျုံမြို့နယ်၊ နဘူးမြို့နယ်နဲ့ ဒူးပလာယာခရိုင် ကော့ကရိတ်မြို့နယ်၊ နို့တကောမြို့နယ်တွေဘက်မှာပါ လာရောက်ထောက်လှမ်းမှုတွေလုပ်ဆောင်နေတယ်လို့ ဒေသခံတွေရဲ့ ပြောကြားချက်အရ သိရပါတယ်။
လတ်တလောမှာတော့ ကေအဲန်ယူ ဒူးပလာယာခရိုင် KNLA တပ်မဟာ ၆ နယ်မြေထဲမှာ အာဏာသိမ်းစစ်အုပ်စုနဲ့ KNLA တပ်ဖွဲ့တို့ကြား စစ်ရေးတင်းမာနေပြီး ဒေသခံလူထုတွေ စိုးရိမ်ထိတ်လန့်မှုတွေ ကြုံနေရတယ်လို့ သိရပါတယ်။
Public Service Announcement
