ကရင်အမျိုးသားအစည်းအရုံး(KNU) တပ်မဟာ(၁) နယ်မြေ သထုံမြို့နယ် ပုရစ်ခိုကျေးရွာအနီးတွင်အာဏာ သိမ်းစစ်ကောင်စီ လက်အောက်ခံ စကခ(၈)နှင့် BGF ပူးပေါင်းတပ်ဖွဲ့ကို မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ သုံးဦးသေဆုံးခဲ့ဟု KNUသထုံခရိုင်က သတင်းထုတ်ပြန် သည်။
စက်တင်ဘာ ၂၀ရက် ည ၁၁နာရီ ၁၅မိနစ်ခန့်တွင် ဘီးလင်းမြို့နယ်အတွင်းရှိ ဝင်းတာပန်ကျေးရွာBGFစခန်းနှင့် စကခ(၈) ပိန္နဲတောစခန်းအကြား လှုပ်ရှား နေသော စစ်ကောင်စီနှင့်BGFပူးပေါင်းတပ်ဖွဲ့ကို မိုင်းဆွဲတိုက်ခိုက်ခြင်းဖြစ်ကြောင်း၊ KNUတပ်ဖွဲ့ဝင်များဘက်မှ ထိခိုက် ကျဆုံးမှုမရှိကြောင်း ဖော်ပြသည်။
ယနေ့ (စက်တင်ဘာ ၂၁ရက်) နံနက်ပိုင်းတွင် စစ်ကောင် စီတပ်မှ လက်နက်ကြီးများဖြင့် ရမ်းသမ်းပစ်ခတ်ခဲ့၍ အီဟယ်ရွာလေးကျေးရွာမှ စောဒါးဟဲ၏ ကျွဲလေးကောင် လက်နက်ကြီးထိမှန်သေဆုံးခဲ့သည်ဟု ဆိုသည်။
KNU တပ်မဟာ(၃)နယ်မြေ ကျောက်ကြီးမြို့နယ်တွင်လည်း ယနေ့ စစ်ကောင်စီတပ်နှင့် တိုက်ပွဲနှစ်ကြိမ်ဖြစ်ပွားခဲ့ရာ စစ်ကောင်စီတပ်ဖွဲ့ဝင် ၂၀ ကျော် ထိခိုက်ဒဏ်ရာရရှိခဲ့ကြောင်း KNU ဗဟို သတင်းနှင့် ပြန်ကြား ရေးဌာနက ထုတ်ပြန်ထားသည်။
Public Service Announcement
