ကရင်အမျိုးသားအစည်းအရုံး(KNU) တပ်မဟာ(၁) နယ်မြေတွင် အိမ်စီးကားဖြင့်လာသည့် စစ်ကောင်စီတပ်ဖွဲ့ဝင်များ တိုက်ခိုက်ခံရ၍ အမျိုးသမီးတစ်ဦးနှင့် စစ်သား ၅ဦးသေဆုံးသွားကြောင်း တပ်မဟာ(၁)တာဝန်ရှိသူက ပြောသည်။
မွန်ပြည်နယ် ကျိုက်ထိုမြို့နယ် သိပ်ဇရပ်နှင့် ရွှေကျင်ကြားတွင် အောင်တိုဘာ ၁၇ရက် ညနေက တိုက်ခိုက်ခံရခြင်းဖြစ်သည်ဟု ဆိုသည်။
“ဖြစ်စဉ်ကတော့ မှန်တယ်။ ခလရ(၅၉၈)က သိမ်ဇရပ်ကနေလာတယ်။ လာတော့ အဲဒီ ဝင်းကန်နဲ့ ကျောက်ရေတွင်းကြား မှာ ဖြစ်ခဲ့တယ်။ ထိခိုက်မှုကတော့ ပြောတာ သေတာ ၆ယောက်။ အမျိုသမီးတစ်ယောက်နဲ့ စစ်သားပေါ့။ အဲဒီမှာ သေနတ်ပါတစ်လတ်ရခဲ့တယ်”ဟု တပ်မဟာ(၁) တာဝန်ရှိသူတစ်ဦးက ပြောသည်။
အိမ်စီးကားဖြင့် စစ်ကောင်စီတပ်ဖွဲ့ဝင်များလိုက်ပါလာကြောင်းသတင်းရ၍ တိုက်ခိုက်ခြင်းဖြစ်သည်ဟု ဆို သည်။
Public Service Announcement
Salween Press၏ သတင်းဖော်ပြချက်တွင် ပစ်ခတ်မှုအတွင်းသေဆုံးခဲ့သည့်အမျိုးသမီးမှာ တပ်ရင်းမှူးကတော်ဖြစ်ပြီး သေဆုံးသူများထဲတွင် ဒုတိယဗိုလ်အဆင့်ရှိသူကျော်ထွန်းအောင် ပါဝင်ကြောင်း KNLA တပ်ဖွဲ့ဝင်တစ်ဦးက ပြောကြားကြောင်းနှင့် လက်နက် တစ်လက်သိမ်းဆည်းရမိကြောင်း ဓာတ်ပုံများနှင့်တကွ ဖော်ပြထားသည်။
ပစ်ခတ်မှုဖြစ်ပြီးနောက်ပိုင်းတွင် သိမ်ဇရပ်ရှိ စစ်ကောင် စီ ခမရ (၂၀၇)တပ်နှင့် ခမရ (၅၉၈)တပ်တို့ ပူးပေါင်း နယ်မြေရှင်းလင်းခဲ့ကြသည်ဟု ဆိုသည်။
KNU တပ်မဟာ(၁)နယ်မြေတွင် စက်တင်ဘာအတွင်းက တိုက်ပွဲများ ပြင်းထန်ခဲ့ပြီးစစ်ကောင်စီတပ်ဖွဲ့ဝင်များ သေဆုံးထိခိုက်မှုများပြားခဲ့သည်။
ဓာတ်ပုံ – Salween Press
