ကရင်အမျိုးသားအစည်းအရုံး(KNU) တပ်မဟာ(၅) ထိန်းချုပ်နယ်မြေ ဖာပွန်ခရိုင်တွင် ယခု နိုဝင်ဘာလဝက်အတွင်း တိုက်ပွဲများ၌ စစ်ကောင်စီတပ်မှ တပ်ရင်းမှူးတစ်ဦးနှင့် ဗိုလ်ကြီးအဆင့်အပါအဝင် ၆၉ဦးသေဆုံးခဲ့သည်ဟု KNU ဗဟိုသတင်းနှင့်ပြန်ကြားရေးဌာနကယမန်နေ့ညပိုင်းက သတင်းထုတ်ပြန်သည်။
တပ်မဟာ(၅)နယ်မြေအတွင်း နိုဝင်ဘာ ၁ရက်မှ ၁၅ရက်အတွင်း တိုက်ပွဲ ၈၇ ကြိမ်ဖြစ်ခဲ့ရာ စစ်ကောင်စီတပ်မှ ဒဏ်ရာရသူများလည်းရှိခဲ့ကြောင်း ဖော်ပြသည်။
တိုက်ပွဲများတွင် KNU တပ်ဖွဲ့ဝင်များဘက်က ထိခိုက် ကျဆုံးမှုရှိ၊မရှိကို ဖော်ပြမထားပေ။
အာဏာသိမ်းစစ်ကောင်စီနှင့် နယ်ခြားစောင့်တပ်(BGF) တပ်ဖွဲ့များမှ ကျေးရွာအတွင်းနှင့်ပြည်သူလူထု အလုပ်ခွင်အတွင်းသို့ လက်နက်ကြီးများ ပစ်ခတ်ခဲ့၍ အပြစ်မဲ့ပြည်သူတစ်ဦး သေဆုံးပြီး လေးဦးထိခိုက်ဒဏ်ရာရရှိခဲ့ကြောင်း ထုတ်ပြန်ခဲ့သည်။
Public Service Announcement
ယခုလအတွင်း KNU တပ်မဟာ(၅)၊ တပ်မဟာ(၂)နှင့် တပ်မဟာ(၁) နယ်မြေများ၌ စစ်ကောင်စီတပ်နှင့် တိုက်ပွဲများ ဖြစ်ပွားခဲ့သည်။
